立場新聞 Stand News

平租舖位撐明哥 良心業主背囊店清貨 網民拍片籲幫襯:人幫你時,你幫人!

2016/3/23 — 12:06

「深水埗明哥」陳灼明經營的「北河點心茶餐廳」遭業主大幅加租,幸獲原址對面的舖位的良心業主謝林,遷出自用的舖位,以較市值低的租金租予明哥。謝林自家經營賣背囊等的「崇麗行」提早於4月1日遷出,但仍有大量存貨待沽,有網民拍片呼籲大家各出一分力幫手清貨,「人幫你時,你幫人!」

網民「James 占士.甸峰」昨晚上載短片,力銷「崇麗行」貨品,呼籲網民廣傳,助謝林早日賣清存貨,「人幫你時,你幫人!做乜都好!喺網絡世界上幫到手都總算出咗一分力!」

「James 占士.甸峰」在短片中表示,謝林原本打算7月結束現有生意,現提前在4月結業,特別介紹店舖內的背囊等貨物,每件大約是數十元至百多元,「電腦袋都是50元」,「一蚊條鞋帶」。

廣告

謝生在片段中受訪,大讚明哥經營的生意有意義,「十幾年,都是22蚊個飯盒,而家食過早餐都是22蚊,朝早、晏晝、夜晚都是22蚊,所以你話係咪要撐佢,如果佢話唔賣飯盒,街坊維持唔到,咪浪費了個傳承…我哋呢間舖大三份一,有咩理由佢(北河點心茶餐廳現租用舖位)值5萬,我呢間3萬6,明哥話多謝晒,我話我撐你,搞掂!一句說話!」

謝林早前接受《立場》訪問,曾跟明哥一起去派飯,到天橋底、南昌邨派飯,令他感受到真的「幫助到基層」, 大讚明哥「見佢咁有毅力,真係好欣賞佢」,「最難係堅持,好難得係堅持」。謝表示,其女兒本身在九龍城經營食肆生意,本有意承接他的舖位做食肆生意,但開過家庭會議後,「成家人也撐明哥」,所以決定平租予明哥。十多年前買下舖位的謝林,於是提前在3月遷出,以便4月交吉,讓「北河點心茶餐廳」早日恢復營運。

廣告

『跪求廣傳。一起的撐!』深水埗明哥副店新址,"崇麗行"趕交吉還在清貨中! 琴日睇到深水埗明哥單新聞,到最後得知副店「北河點心茶餐廳」可以重新開始,原來多得一位與明哥十多年街坊業主嘅謝先生支持,將自家店"崇麗行"提早結業,更趕快至4月1日可以順利交吉。當焦點都落起明哥嘅時候,有冇諗過謝先生的亦好想好想盡快沽清手上嘅貨....(利申:今次呢條片,小弟趕住朝拍晚出,都係想盡快廣傳比大家知!) 人幫你時,你幫人!做乜都好!喺網絡世界上幫到手都總算出咗一分力!高清版:https://www.youtube.com/watch?v=b9fo507_3H4#北河點心茶餐廳 #深水埗明哥 #崇麗行 #業主謝先生唔係好知講緊請睇以下新聞!http://hk.apple.nextmedia.com/news/art/20160322/19539590

Posted by James 占士.甸峰 on Tuesday, March 22, 2016

 

發表意見