立場新聞 Stand News

年金與退保(一)

2018/7/6 — 15:58

圖片來源:香港年金計劃片段截圖

圖片來源:香港年金計劃片段截圖

概念上我非常贊成年金,問題係如何執行。而家坊間所講嘅「跨代供養式全民退保」係會爆煲嘅;而「自負盈虧式年金」先係正確嘅退休保障方案。

我理想中嘅退保應如下:

(1) 不是扶貧:街邊窮老人好慘並非搞退保嘅理由,老人好慘應該做好綜援,而非退保。

廣告

(2) 應不論貧富:「60歲拿著200萬」是富是貧? 兩句講晒,65歲死就富,120歲死就貧。所以「退保只幫有需要嘅人」係廢話,因為無人知自己係富定係貧。

(3) 目的係共同承擔長壽風險:退保,係大家夾定錢,由短命者供養長命者,而無人知自己係短命定長命嗰個。

廣告

(4) 不跨代供養: 不應由年輕人供養老人,而應該由同一代人承擔同一代嘅長壽風險。舉例,應該由嬰兒潮一代養返嬰兒潮一代,而非少子化一代養嬰兒潮一代。

(5) 應自負盈虧: 若供款者眾,就派多啲年金,反之亦然。有供款就有退保拎,無供款就無退保拎。

退保,目的並非幫今日嘅老人,而係幫「未來嘅老人,今日嘅年輕人」,令佢地今日唔怕老來無依,釋放拼勁。

好多人搞錯咗,以為退保係幫「今日嘅老人,窮人」,甚至提出爆煲的方案,可謂本末倒置。

... 咁,政府個年金方案係乜?另文再談。

發表意見