立場新聞 Stand News

幸運不只是巧合 還要有善良的心

2016/4/19 — 18:06

圖為DSE考生Tinky

圖為DSE考生Tinky

【文、圖:朝雲】

19/4 銅鑼灣

幸運不只是巧合,還要有善良的心

***

廣告

問:為什麼你去錯學校,會碰到另一中學的藍校長?

Tinky:我原應在嶺南衡怡紀念中學考經濟,但出門時看錯了,以為去那兒考歷史,去到才知搞錯,好驚。當時已經 8:15,8:30 開考。

廣告

考公開試去錯一次試場,會有一次通融機會。於是走去隔離的衛理中學,問依度有冇得考。咁就撞到藍校長。

當時我好緊張咁望住佢,佢就主動嚟問我咩事。

***

問:你一度想放棄,係藍校長勸你試試?

Tinky:係呀。見到柴灣的小巴站排滿人龍,諗過搭港鐵,但起碼要二十分鐘,已經趕唔切。歷史卷的時間好趕,去到試場大概只有四十五分鐘,做唔切份卷。

藍校長想帶我截的士,我話唔駛。佢問我咩事,我話冇錢,佢立即入校長室攞錢俾我。

***

問:如果你唔考會有咩後果?

Tinky:其實歷史係我應考六科中最擅長嗰科,佔分比例最高,我的 DSE 可能有 17 分,5 分靠歷史攞番嚟。我未必升到大學,但會唔憤氣。

***

問:有批評說不應該幫你,應該責任自負,你怎樣看?

Tinky:我覺得無可厚非。今次真係我好運,好慶幸遇到依位校長,唔幫我其實係人之常情。

因為唔知搭的士要幾錢,佢冇猶豫,直接拎五百蚊俾我。我主動話留低電話等等,佢話「唔緊要,冇時間,你搭左車考左先」。

考完試後,我立即攞錢還俾藍校長。

***

問:你覺不覺得要報答藍校長?

Tinky:希望歷史考得好,就係最大嘅感恩和報答。

***

Tinky 的另一身份,便是學民思潮前成員。兵分兩路下,她選擇留待新的學生組織成立。她說自己無力應付政黨事務,沒有過問新黨籌組。到公布之際,才知新黨名為眾志。

然而她不同意網上批評,謂黃之鋒「整死」學民思潮。她說結果早於半年前蘊釀,也是大家的決定,同意的比例高於簡單多數。學民的會章強調,不得以其名義參政,不應因人事而改動。

孰料在網上交代此事,會鬧得沸沸揚揚。她說現況也許非常沉重,難得有件事這樣 warm。

 

原刊於作者 facebook

發表意見