立場新聞 Stand News

張宇人,唔好再飲無煲過嘅溪水

2018/8/6 — 11:33

張宇人(TVB截圖)

張宇人(TVB截圖)

完全冇諗過有人可以活在一個洞穴裏面,除了跟時代極度脫節之外,可能活在洞穴的人經常飲用未煲過的溪水,基本上生活上的常識和經驗非常有限。

星加坡瑞典等等成功的經濟體系,幾乎沒有人夠膽提出任何如此倒退勞工權益的想法,夠膽死眷戀當日沒有產假的日子?婦女員工如何經歷生仔的艱辛痛苦之後立即馬上返回工作崗位?張生你無嘢呀?張先生的思想竟然就是當年他沒有這樣的保障(相關報道),於是以後的人更加一天也不應該值得擁有啊!原來就是徹徹底底地「我冇,你都唔可以有」的心態,這樣的人去代表所謂香港的僱主實在何其刻薄、人血饅頭到一個程度。同粵語黑白片時代刻薄奶奶黃曼梨系列簡直絕配。

張先生所指「永無止境的苛索」,其實始作俑者就是像張先生一樣思想這一類型的僱主,因為他眼中所有的僱員,就像焗爐出嘅豬仔包一樣冇阿媽生嘅,各位豬仔包唔應該咁多要求。那些隨著時代進步、醫學昌明一切隨之而來去配合改善的公共政策、僱員福利的舉措都是多餘的。張生你在洞穴裏面係咪仍然用緊鑽木取火?當你離開洞穴出外購物的時候,你認識的仍然是 BB 機是嗎?根據張先生嘅邏輯咁應該:

廣告

「以前有病冇醫生睇又如何?
以前飲符水醫病又如何?
乜鬼藥丸一粒都唔應該有。」

張生張生,如果你飲開就唔好再飲冇煲過既溪水了,對你個腦唔係咁好。

廣告

想提高生產力和僱員工作表現,不能夠再依靠剝削刻薄和不想落本的管理模式了。

 

作者 Facebook

發表意見