立場新聞 Stand News

《蘋果》引述成龍:係冇港產片嘅,只有中國電影

2015/4/17 — 19:27

藝人成龍昨晚現身澳門出席「全球華語榜中榜暨亞洲影響力大典」,並奪「華語樂壇特別貢獻大獎」,被問及香港電影是否已死時,《蘋果日報》引述他表示,「我好耐之前都講過,係冇港產片嘅,只有中國電影」。

他又稱,「只能夠話每個地方都有自己嘅電影,local嘅片,但呢啲local電影其他地方嘅人未必會鍾意,唯一係中國嘅片先至係全中國嘅人都會睇,以後就唔會分香港同台灣電影」。

另外,最近推出自傳的成龍接受《東方日報》訪問,罕有談及與藝人吳綺莉的私生女吳卓林,被問到是否對卓林依然分毫不分?他笑說:「相信佢都唔需要我啲身家啦!(覺唔覺咁多年拖累咗佢?)係啱,對佢係一個傷害。(冇爸爸呵護下成長。)你覺得我又慘唔慘?呢邊又對唔住,嗰邊又對唔住。」

廣告

報道又指,繼成龍上海電影藝術館去年開幕,佔地兩平方公里的北京成龍世界亦正在動工,不過香港方面卻未有任何動靜,他說:「我覺得自己好可憐,喺香港成名,依家咩都未有,其實仲有好多地方都有傾,好似深圳想做成龍Studio拍電影,仲會有酒店、度假中心,成事之後會方便好多香港藝人嚟拍戲,香港未有咁大規模,就算我清水灣嗰度,一、兩堂景都拍到嘅,希望可以透過咁嘅形式,令到香港電影繼續蓬勃落去。」

廣告

發表意見