立場新聞 Stand News

「我係度出世。。。」

2016/12/2 — 10:01

【文:朝雲】

1/12 彩虹 啟德大廈

「想問先生嚟左香港幾多年?」

廣告

「我係度出世。。。」

***

廣告

租戶出示本應到 18 年才屆滿的租約,卻突然收到電話,謂已經換了業主,要求他們搬走。

未克搬遷的華裔居民中,陳太太說已找到新居,但尚待十多天才能入伙,若地產商果真截水截電,就無法捱過。

另一鍾太太則有四個孩子,已經獲批公屋,但未拿到鎖匙。她不知所措,失去居所即冇瓦遮頭:「老公四日唔返工,搵唔到。搵到嘅係要萬幾蚊,我地邊度租得起?」

受訪者無分族裔,都訴說租金太貴難以租房,尤其在年關。陳太太自己已有著落,「但係想幫佢地爭取多啲」,希望地產商能通融數月。

***

父親用廣東話憶述吃閉門羹的遭遇:「本來話『好呀好呀』,跟住返緊工又打俾我:『唔好意思呀,個業主話呢唔俾印度人,巴基斯坦人住,唔鍾意呀。。。咁點呀。』

「想問先生嚟左香港幾多年?」

「我係度出世。。。」

筆者為此道歉多次。

***

社工 Ailia 為受迫遷的租戶翻譯解困,尋找社區中心和立會議員協助。作為印裔的本地居民,她解釋在港印度裔較為富裕,較少受歧視;反之巴基斯坦裔多屬低下階層,更多受蹧躓。「佢地通常唔知香港的規距,唔知道可以做啲乜嘢,所以要幫佢地。」

 


 

發表意見