立場新聞 Stand News

【我地呢班中學生.06】健身男模:適應香港社會 過著九十分生活

2017/9/25 — 14:10

「我而家過得好充實,good enough for me。」不少青年對現實感到不滿,但剛剛升讀中六的 Matthew 卻認為自己過著八、九十分的生活。

出生於廣東省的 Matthew,三四年前移居香港。他形容自己初到香港時,表現得「豪放啲,講嘢大聲;同埋有啲行為唔檢點,掉垃圾嗰啲;搭車時又會插隊」,笑言「其實同而家啲人抱怨嘅嘢差唔多」。當時,他曾因此受到語言攻擊,聽過不少「好難聽嘅說話」。他慢慢適應香港的生活規範,今日回想起來,不禁說:「當時以為細路仔無咩所謂,但現在覺得唔應該囉」。

作為新來港人士,Matthew 對於中港關係亦有關注。他相信兩地始終是同一個民族,加上「香港始終無軍隊無可能獨立,獨立都無咩意思」。然而,他覺得「銅鑼灣書店事件」上,中方的做法「有少少過份,過於干涉香港,擺明有啲越界,唔係太好」。

廣告

「呢個社會對我嘅影響比較細,我會反而去適應呢個社會,再去搵返自己嗰套。」Matthew 認為,社會氣氛雖然緊張,但個人生活依然美滿。

酷愛運動的 Matthew,是多個校隊的活躍份子。划艇、籃球、手球之餘,他課外再有做健身。三年前,他又開始出任游水助教,教小朋友學游水。運動以外,他還有另一個身份,「幫啲朋友公司做過 model,sell 啲 product 咁,所以身體嘅狀況要 keep 住」。

廣告

直至今年,18 歲的 Matthew 超齡,無法參與學界比賽,加上升上中六忙著準備應試,他便退出校隊。雖然如此,他堅持一星期做五、六次運動,強調學習和運動兩者都不會放棄。

從商的父親抱持開明態度,沒有強求 Matthew 成為律師醫生,「be whatever you like,只要唔好行錯路,肯努力,有上進心就得」。雖然如此,他也承認自己緊張公開考試,「唔緊張考試,即係唔緊張自己未來啦」。

Matthew 雖然喜歡運動,但大學首選卻是商科,「諗住讀 business、finance 或者 marketing。大個咗之後,我都想自己做一個 businessman。」若然考不進大學,他將考慮直接投身職場,說:「可能做健身教練,或者做啲比較辛苦嘅工作,all or nothing。做建築工人都無所謂,返工時間唔長,收入又比較高嘛。」

發表意見