立場新聞 Stand News

【我地呢班中學生.07】合唱團女生:現在能力小 但還得繼續走

2017/9/25 — 15:15

「你講嘢可唔可以唔好咁官腔!」幾個中五女生在餐廳的沙發座位上哄笑得東歪西倒,只因Chesna 說她上學的原因,是因為喜歡吸收更多的知識,裝備自己。

Chesna來自一間直資傳統名校。瘦小、溫文,對記者問的每一個問題都耐心地給予詳細的答案,予人典型教會女校乖乖女形象。自我介紹的時候,她很純熟地先列舉出自己修讀的科目,然後是校內擔任的學會職務,像出席一場面試。

讀直資學校的同學,在資源及機會上或相較很多同齡人優勝,但Chesna覺得,名校有時候亦是一個包袱,「有時候覺得自己喺名校讀書,自己對自己嘅期望都會比較高。」

廣告

「我上年absent咗左好多日,病咗好多次,可能因為啱啱升上高中,壓力太大。老師對我們的期望大咗,assessment多咗,有時我handle唔到咁多壓力。上年有一次我崩潰咁喊咗成晚,依家講起我都有啲想喊。」

父母都是數學老師的 Chesna,數學科卻老是不及格,「我覺得數學真係好難,學嘅嘢平時又唔會用到。中文同數學都係,我都覺得難到好似無用。」中文和數學,除了因為是DSE的必修科目,其實 Chesna 也不知道讀來為什麼。

廣告

幾名女生言談間一直數着一堆功課的英文名稱縮寫,TP、RJ、IES、SLP…...Chesna 平時盡量都會交齊功課,但有時候無可避免都會欠交,「有時真係太多功課,我都會遲交,但又俾老師......鬧,差啲講咗個粗口字添。」差點衝口而出,Chesna 有點尷尬。

記者又問她,如果不用考DSE,你會用時間來做什麼?

「唔洗考DSE?唔洗考DSE都會有其他試要考啊。」

那麼如果不用考公開試呢?

「唔洗考試我會點啊......我諗起 demand and supply 嘅問題......」Chesna 和幾名同學竟然都沒有答案。在努力準備考試、升學之外,她們難以想像其他。

其實 Chesna 也有興趣。除了「吸收知識」這個官方答案,她上學也因心愛的合唱團活動,「有時候無choir practice 都唔知返學係為咩。」

不過,母親會覺得她放了太多時間在合唱團的活動上,希望她注重學業,「我覺得依家讀書,有好多限制。我覺得如果我再大個啲,時間可能會再充足啲,就可以放多啲時間喺裡面」,「大學都有合唱團架。」

雖然現在大部分時間都花在讀書上,但 Chesna 仍希望自己#繼續走,最終走到想到達的地方:「依家都無咩可以做到改變,我哋嘅能力仲係好細,可能入到大學,會有更加多自己嘅意見同想法,可以落力做自己想做嘅嘢。」

發表意見