立場新聞 Stand News

【我地呢班中學生.10】港豬毒男:我寧願一世做中學生

2017/9/27 — 13:33

「做中學生係最開心嘅!我寧願一世做中學生,唔返工。」今年 16 歲的阿軒,剛剛升上中六,準備應付 DSE。

阿軒就讀的學校,每年只有數名學生成功升讀學位課程。該校用學生成績優次分班,依次由 A 到 E 班排列,「我係成級最 down 嘅學生,我係 E 班嘅頹學生」。以目前校內成績而言,他承認考入大學的機會渺茫。他好想認真讀書,但考出來的分數總是不夠其他人高,每每自我否定,覺得「我都係無能力」。

雖然如此,阿軒對於日常生活感到滿意,甚至認為「做中學生係最開心」,「要考試咁又點?點都好過出去返工㗎!又要諗賺錢、點生活 … 我寧願一世做中學生,唔返工。」他形容自己的課後生活,打波、瞓覺、hea,「咩都做,只係唔煙唔酒」。他停頓一下,續說:「好港豬添,點算呀?」

廣告

阿軒其實也曾做過兼職,尋常如貨倉執貨,冷門到水上運動的賽道管理、協助裁判的工作,都一一做過。這些日子以來,他打工儲起來的收入,目前已有數千元,暫時已沒有再做兼職,說:「做嘢,只係有錢令我開心」。

自稱「毒男」的阿軒,形容自己「偏向唔係咁留意時事」。然而,他喜歡上網看日本動漫之餘,也讀不少網上論壇的時事討論。遠至銅鑼灣書店、佔領行動,到近月的雙學三子入獄,甚至教大民主牆事件,他都有留意事態發展。他強調自己不支持不鼓勵「港獨」,認為中港兩地「始終同一個民族」;又覺得中國和中共需要分別來看,「對抗一個政權、對抗中央,香港人就唔應該咁大矛盾」,但進一步追問時,他則說:「我就唔喺度發表咁多意見啦,我只係想展示我有睇新聞啫。」

廣告

問及對未來的計劃,阿軒希望順利升讀大學,道「我都未放棄 Jupas 嘅」。未能如願的話,他考慮報讀運動教練牌照。阿軒很喜歡運動嗎?他沒有回答,但說:「我有啲門路啦,知道點樣攞到相關牌照。想做教練,係因為有錢囉,呢個係我眼前最容易、最簡單拎到錢嘅方法。」

 

發表意見