立場新聞 Stand News

【我地呢班中學生.17】吃貨女生:教育局長對唔住,我無做好生涯規劃

2017/10/4 — 13:29

「返學為乜?我返學就係為咗放學、瞓覺、食嘢。」

今年中五的Scarlett,仔細地向記者解釋她上課天的日常:「我平時返學就搭校車,搭車時間就可以瞓。返到學校,就抄未做完嘅功課,抄唔完就上堂繼續抄,抄完又瞓。」

抄功課,欠功課,上課睡覺,深夜卻用來上網睇youtube的Scarlett,形容自己在傳統名校的「精英班」內,是一個異類。

廣告

Scarlett自己主動提起,去年班主任曾告訴她,有老師投訴她經常在課堂上睡覺。「我喺度諗係邊個投訴我,但我堂堂都有瞓,真係唔知道係邊個。」惹來身邊同學大笑:「你仲咁自豪!完全無恥!」

今年升讀中五,和不少同學一樣,Scarlett開始報讀補習班,準備公開試。Scarlett本來並不是很想去補習,因為她覺得,自己連平常上課都不專心,怎能在補習班中聚精會神地聽講?「但後來知道補習有past paper,同埋有雞精notes,咁我就可以溫少啲,所以就去咗補Bio。」

廣告

Scarlett不知道自己為何要讀書。小時候讀書,是因為法例規定一定要上學。到現在則覺得「我自己讀咗咁耐書啦,如果我唔讀落去,咁我之前讀咁多嚟做咩?好似嘥咗咁。」「唔知讀嚟做乜,但一定要讀落去。」

當不少建制派,甚至法庭,認為年輕人受到「有識之士」荼毒,做出激烈反抗行動,鼓吹港獨,或許這並不是大部分年輕人的狀態。

Scarlett 覺得香港人爭取民主,甚至爭取獨立,都沒有太大意義,「你見到有咁多運動,個政府根本都無變過。或者其實政府想變,但係中國唔俾,都無用。」

眼見現時有年輕人為爭取社會改變而身陷牢獄,Scarlett覺得並不值得,「我覺得你搞運動還搞運動,但你以前咁辛苦讀書,宜家坐監,阿爸阿媽第時點算?」

對於香港,Scarlett沒有什麼特別的看法。她覺得香港尚算正正常常,沒有什麼天災人禍。

儘管Scarlett不停強調自己頹、廢、懶,只希望以後可以「乜都唔洗做」、「係咁食」都可以「賺大錢」,但她又是否真的完全沒有自己想做的事情?

本身家裡養了兩隻狗的Scarlett,非常喜歡動物,「其實我都想做獸醫」。Scarlett也喜歡畫畫,也喜歡美食,不過,她怕讀美術沒有錢途,怕做食評家吃太多會長胖。

當人人話年輕人應該認清自己目標,對前途一片迷茫的Scarlett想對教育局局長說一句:「對唔住,我無做好生涯規劃。」

不過,思考片刻,Scarlett緩緩道:「不過,有時候我哋想規劃,社會都唔俾你咁樣規劃。」

發表意見