立場新聞 Stand News

扮工室感悟

2018/9/29 — 15:00

一隊波,有人踢前,又有人打後。人人都想做前鋒,咁邊個踢後面呀?

前鋒光芒四射,但喺我眼裡面,打後衛同打龍門,其實都係同樣重要。當你打緊後衛,但見到前面個前鋒入波咁型,你於是撲埋出去前面射波,做領隊嗰個,係會想殺死你的。但點解唔肯安安份份做後衛呢?人有時好奇怪,明明自己防守技術一流,卻偏偏以為,入到波先至叫做對隊波有貢獻,細路仔式嘅邏輯錯誤,原來好多大男人都有。

至於打前面嘅球星,最驟忌係唔信任企響自己身後嘅隊友。你入到波當然係叻仔,但你必須要有明白,你班隊友冇你入波咁醒時,你同樣冇佢地防守做得咁出色。而當你表現得越唔信任隊友,隊友只會越拒絕交波俾你去射,雖然佢地其實心知肚明,交俾你射先至會有最大機會射入。

廣告

咁領隊做啲咩呢?領隊其實係,一個落場連跑都跑唔郁嘅阿叔,負責時刻喺場邊大嗌,叫班球員「緊守崗位」嘅吹水精。完場之後,氹住班大佬叫佢地唔好爭住做大佬嘅偽大佬,嘿嘿。

9up完畢。

廣告

祝大家有個愉快嘅週末。

發表意見