立場新聞 Stand News

拒絕綜緩的小販

2015/2/23 — 21:30

「我哋賣埋今晚唔賣喇,每年就只有初一二三擺街檔。

我哋住晌樓上,賣咗雞蛋仔幾十年喇,做街坊生意,養活咗我哋一家。

十幾年前開始,經營環境變得困難,晌屋村擺檔被房屋署驅趕,晌街擺賣被食環署沒收工具,我哋就好似過街老鼠咁,時時擔心見到執法人員,搵搵埋埋都唔夠交罰款,唯有結束經營。

記得當年上庭,法官指責我哋非法經營無牌熟食,建議我哋去拎綜緩,我反駁,自己有手有腳,以勞力賣熟食自力更新,比起翹埋雙手拎綜援,生活得更有尊嚴,攪到激嬲咗法官,罰多咗我錢。」

 

─ 攝於昨晚,柴灣興華邨

 

廣告
廣告

發表意見