立場新聞 Stand News

捱了兩個月,籃球網以後唔駛自己掛

2017/4/7 — 15:27

作者提供圖片

作者提供圖片

【文:譚駿賢(屯門友愛北區議員)】

早前與屋邨「籃神」余伯伯「自己籃網自己掛」,掛了兩個月,終於在用到霉霉爛爛下被扔掉,要換了!但這幾十元貨色可捱到今時今日,真係算係咁,大家都算有公德心,冇起勢入樽扯爛才爽。

廣告

早幾日屯門區議會工商業及房屋委員會會議,房署指會按需要經「屋邨管理諮詢委員會」通過下,即可加裝籃球網及足球網;而房署亦會為所有屋邨球場髹上球場油。

即是說,若一切順利的話,以後屯門區公共屋邨籃球及足球場有球網可用!球網終於唔駛自己裝!

廣告

但事情還未完的。第一,房署始終不願將球網這樣基本的項目納入公共屋邨標準設施;第二,房署拒絕裝設飲水機及儲物櫃;第三,即使裝上球網,部門還會視乎損毀速度,若呢頭裝嗰頭爛,以後隨時冇價講。

不過,經過「自己籃網自己掛」捱足兩個月後,我對各位「屋邨仔女」係有信心嘅。我信這場小仗是你們有份打回來的。

BTW,今天見到「籃神」余伯,佢真係真係真係很高興。

 

作者 facebook

發表意見