立場新聞 Stand News

搞𤓓你然後攬炒 — 最支持殺街的民建聯

2018/5/28 — 12:44

旺角行人專用區

旺角行人專用區

【文:陳詠燊 Sunnyhahaha】

取消行人專用區,很多香港人叫好,當中包括很多平時也關心政治,悍衛民主意識的人。

以下這一段,我在去年十月貼過,現在再貼一次:

廣告

//法輪功在街頭宣揚自己宗教,大家知道要有宗教自由,所以唔會攪佢;

之後突然出現一班廣東話都唔正的阿伯阿嬸話要「反」法輪功,塞爆成條街;

廣告

大家覺得煩厭,於是民意開始認為:唔理喇,一次過消滅晒佢地啦!

有班年輕人搞示威遊行,開始有人支持;

之後突然出現一班廣東話都唔正的阿伯阿嬸,話要「反」廢青,「反」獨,撐警察,令到每次遊行都亂晒大龍;

大家覺得煩厭,於是民意開始認為:唔理喇,一次過消滅晒佢地啦!

有班人在行人專用區唱歌,開始有人留意本土音樂人,甚至出咗隊C allstar,唱到上紅館 ;

之後突然出現一班廣東話都唔正的阿伯阿嬸,話要唱歌,唱到十級難聽,嘈到拆天;

大家覺得煩厭,於是民意開始認為:唔理喇,一次過取消晒行人專用區啦!

自由、民主、創意,名正言順夾著民意一次過被打壓。

同一條橋,每次都work。

呢招叫做「攪𤓓你,然後攬炒」。

講完。//

看看這次最支持殺街的是甚麼人?民建聯。

死的是甚麼?一個本土年輕人文化的蘊釀地。

甚麼年輕人最容易就會因為一支結他就能凝聚成力量?會因為《海闊天空》、《光輝歲月》而流淚的那班。那班人四年前都坐了在哪裡?

西洋菜街明明需要的是管理,現在卻反過來被一刀切地扼殺。

你地仲大叫「好」?香港人,你肯去明未?

我知我又得罪人了,不過…唉…

講完。






好了,貼文幾個鐘後再加多一句:

大家有冇留意佢而家攬炒緊邊度?

收晒啲垃圾筒同時多咗好多內地人去啲垃圾一地都係嘅--郊野公園。

真係講完。

#最後的香港人

原刊於作者Facebook 專頁

發表意見