立場新聞 Stand News

文具小店海記 紮根觀塘四十載

2015/8/20 — 20:08

現址於同仁小販市集的海記文具,由勞氏夫婦主理,由在觀塘瑞和街街市開業至今,已快將步入第四十一個年頭,見證着觀塘過去四十年的景物變換。「(海記)喺瑞和街街市就13年,舊陣時觀塘唔似家陣咁人多車多,後嚟馬路多咗,喺物華街個球場就變咗小販檔,我哋搬過去做咗26年,年幾前再搬嚟呢度。」

勞生今年已77歲,但身體仍十分健壯,且對答如流,更笑問記者:「你仲有冇野講?有冇嘢問?」 原來多年來,有不少媒體曾找勞生做訪問,電視也上過兩次;對於受訪,勞生已是司空見慣。一篇又一篇報導,記載着海記在觀塘的歲月。

勞氏夫婦育有三子一女,從前勞生在酒店工作,海記主要由老婆打理,勞生上班前下班後都會回店上幫忙。夫婦倆住過板間房,眠乾睡濕,辛勞工作,靠微薄收入養大子女;如今「仔大女大」,各有所成,孫兒也個個精乖伶俐,苦盡甘來。 孫女還是幾歲孩童,已懂人情世故,着爺爺工作累了就要多坐多休息;孫子年紀輕輕已充滿理想,立志要做飛機工程師。

廣告

在海記中,可以找到很多「絕版」日本正版卡通文具精品,包括美少女戰士便條簿、布甸狗小記事本、第一代Hello Kitty防水姓名貼紙等等,正當九十後的記者如「在他鄉遇故知」,着手掃貨之際,更訝異發現價格仍是十多年前的價格,美少女戰士便條簿,只售兩元。「賣埋就冇㗎啦,啱就買埋啦,全部都係正版喺日本入口,關稅都唔平,成本價嚟。」

廣告

店子雖小,新舊文具都一應俱全,勞生跟供應商關係好,有新貨時供應商都會派人到小店送上通告。講到招牌貨,勞生多次提及店內的櫻花牌文具,強調是日本正貨,並非國產貨,質量很好;市面既不常見,買得到亦未必如小店價格相宜。曾有客人在鄰近大商場書局買了櫻花牌剪刀,再到店上查詢,意外發現書局的貨價貴了一截。說着說着,勞生從店側的貨架取出一盒「珍藏」。「嗱呢盒擦紙膠都係櫻花牌,淨係賣比熟客㗎咋,唔會放出嚟。」

感覺上午的海記尚算通爽,勞生表示其實不然。「依家都好焗,我以前喺酒店洗衣房做嘢,一日焗十幾粒鐘,嚟到呢度睇檔,都焗到多咗病痛。不過其他檔口仲焗,樓上果啲檔口去到下奏三四點,真係焗到不得了。」

剛退休不久的勞生,幾乎每天都會跟太太在海記看店,他坦言不愁生意,因子女都有給家用,繼續經營海記,是跟街坊保持聯繫的一種方式。「有野做人都精神啲。」素來勤奮的勞生笑說。

 

海記文具
同仁街臨時小販市場地下58號鋪
同仁小販市集
(同仁街臨時小販市場)
地址:同仁街38號
開放時間:8am-10pm
(小販檔營業時間不固定)

 

原刊於作者博客

發表意見