立場新聞 Stand News

新手學騎馬ㅤ真係唔好亂咁搞匹馬嘅後面

2019/6/25 — 18:30

資料圖片,來源:Capri23auto @Pixabay

資料圖片,來源:Capri23auto @Pixabay

眾所周知,6 月 11 號夜晚,有一位白衫警員同幾位泛民議員對質點解要喺金鐘大規模截停年輕人搜身期間,無端端爆咗句「唔好搞我嘅後面」,引起網絡世界好大迴響。事後有位自稱係已離職嘅前輔警將嗰位警員嘅言行舉止解讀為怯嘅表現。筆者唔係行為心理學家,唔識分辨嗰位警員係咪真係怯,但如果講到學騎馬,負責任嘅教練一定會同初學者再三強調,唔好亂咁搞匹馬嘅後面,就算貿貿然兜去匹馬嘅後面行都唔好。

點解?因為匹馬真係會怯!

馬匹喺大自然嚟講係草食型/逃生型動物,如果佢哋聽到後面有聲音或者感覺到有嘢搞緊佢哋嘅後面,佢哋分分鐘會覺得自己有受到襲擊嘅危機。呢個時候,高速逃跑或者用後腳起雙飛撃退對手係佢哋嘅本能反應,而一匹馬後腳起雙飛,威力隨時係警棍嘅十倍。大家唔好笑,我係真心嘅!唔信嘅話畀條短片你睇。

廣告

其實,喺香港上興趣班學騎馬,好多細節上嘅嘢已經有人幫你搞掂好哂,但喺外國學,好多時係由點樣幫馬匹清潔同執屎嘅基本功學起,呢兩種行為本身就有一定嘅危險性。不過,如果唔係咁,你又點學得識觀察馬匹嘅一舉一動,繼而同佢哋溝通得嚟呢?

廣告

發表意見