立場新聞 Stand News

最低工資上調 張宇人再發飆

2015/1/30 — 17:58

圖:NOW新聞台片段截圖

圖:NOW新聞台片段截圖

政府接納最低工資委員會的建議,今年5月2日起,將最低工資水平,由30元上調至32.5元,資方和勞方立法會代表繼續在立法會內針鋒相對,自由黨飲食界議員張宇人不滿委員會低估連鎖效應,代表勞工界的議員均批評,當局以滯後數據計算工資,而且不肯實施工資「一年一檢」,對基層不公平。

今早立法會《2015年最低工資條例(修訂附表3)公告》及《2015年僱傭條例(修訂附表9)公告》小組委員會上,張宇人認為當局「造數」,低估漣漪效應,蒙騙中小企以為影響輕微,批評勞工及福利局局長張建宗是「摧毁長遠經濟局長」:

「...傻o架你!你都要對你嘅專業有尊嚴吖!明知道有漣漪效應,就要講漣漪效應,明知道工資真係推高幾多就要講,唔好喺度蒙騙香港嘅中、小、微企,以為話冇問題!我而家畀緊40蚊請個洗碗,咁又點呀?加到32個半,等於我冇問題呀?個問題係我咪又要加囉!」

廣告

張宇人又表示不相信政府所提供的數字:

「我唔信你呢個數字,呢個係假嘅!你唔知點搵返嚟嘅!或者點樣篤出嚟,定係喺空中拎出嚟。大佬,今時今日,加兩個半,有幾千人因為咁做唔到嘢(失業)?你而家掟啲嚟畀我吖!32個半佢肯做嘢,呢6千幾人拎晒嚟畀張宇人!(就算)6萬4我食屎都同你啃晒佢!你啲咩數字嚟架?如果你啲數字準,我食晒佢呢張紙!」

廣告

工聯會勞工界議員郭偉強則批評,當局以舊數據評估最新最低工資水平,令基層市民的生活水平有所落後,並不公平,「去到2017年時,其實都仲係用緊2013年嘅數字,即係話中間有4年嘅落差,呢4年嘅落差對於基層嘅打工仔嚟講,面對緊買餸貴呀,樣樣都貴,食嘅貴、住嘅貴、買衫買咩都貴嘅情況之下,落後4年嘅生活水平,係咪一個合理嘅待遇呢?」

工黨李卓人則質疑,最低工資實施幾年以來,對經濟和盈利都沒有影響,通脹好輕微,但當局多年不肯實施一年一檢,「兩年加一次人工,你對唔對得住啲工人?」強調兩年一檢的做法十分滯後,並批局當局完全傾斜商界。

張建宗回應時表示,數據雖有滯後,但也有前瞻的預測,不是只看數據那麼簡單,亦會看前瞻的經濟發展,例如所謂GDP的實質增長、失業情況等一籃子經濟指標,不會單看通脹。

張建宗又指,委員會在制定新工資水平時會考慮到外圍形勢,及中小企營商環境,認為將工資提高2.5元,已經平衡各方利益,是一個深思熟慮的方案。他表示,新水平涉及的額外薪酬開支達到11億元,如果計及法例規定以外的有薪休息日和飯鐘,以及其他連鎖效應,額外開支會增至13億6,000萬元,相信大部分企業都可以負擔。

2010年,張宇人倡議最低工資定於20元,引起民憤,出席港台直播節目城市論壇時.,更被台上台下夾擊,有人向張怒擲20元紙幣,自此他便被網民稱為「張廿蚊」,諷刺他埋沒良心,只顧及到該行業的利益,而忽略了香港大眾整體的利益。

發表意見