立場新聞 Stand News

會計界「老鬼」求職錦囊

2015/12/1 — 20:22

資料圖片

資料圖片

【文:一毫子】

又到12 月, 當大家準備收爐嘅同時, Big 4同志們卻開始忙碌起來。 除了迎接Peak Season 之外, Graduate Recruitment 亦進行得如火如荼。

我深信各大院校嘅Career Centre 都有提供比TSA操練量更多嘅面試訓練課程, 我亦無意再班門弄斧。 不過由於我面試失敗率奇高, 亦因為年紀漸長, 有了作為Interviewer的經驗, 綜合埋自己與其他同事嘅所見所聞, 都可以提供一下非常片面嘅心得,係呢度簡短同大家介紹下:

廣告

1)做人切忌太囂張

我知道你間大學係名校, 我知你個Degree好難入, 我知你係海歸……你嘅Profile 仲靚過我, 不過你都唔好太囂張, Group interview 都唔好露出睇唔起其他人嘅態度。 可能你個interviewer 曾經同你間大學/ 你個Degree 入面嘅人有過節, 方仗份人呢……做人Humble 少少, 敵人都會少啲。 不過,我亦都聽聞有Interviewer鍾情於好似「摩連奴」咁嘅寸咀類型, 你就係佢心目中嘅 Special one 都未定。

廣告

2)知己知彼, 未必百戰百姓

老實講, Interview之前冇起過Interviewer或者Interviewee 底, 都真係唔好話俾人知你係現代人。 Facebook、Linkedin或者Google 等等, 隨時都可以提供一站式嘅資訊, 不過,我唔係叫大家小心唔好放咁多私人野上網, 因為始終出得黎行, 預左要還。 我想講嘅係, 大家起完人底, 千萬千萬一定一定唔好唔好話俾人知你起左佢底! 就算你地有common friend, 你對人地之前份工好有興趣, 唔該你一定忍住唔可以問, 其實都係因為方仗份人呢……

3)莫道你在選擇人, 人亦能選擇你

搵工就好似搵男女朋友咁, 有時你鐘意佢, 佢未必鐘意你, 有時佢追你, 你又未必珍惜, 同你最後結婚嘅, 唔一定係你最深愛嘅。 不過, 同份工分手就其實無咁Hurt, 亦都唔會俾人叫你做世紀「賤男」或者「蕩婦」。 有畢業生目標明確, 唔係「香港小姐」唔要, 最後等足一年都係無人問津。 需知道香港小姐未必會紅, 而世界上亦有𡃁模, 華組, 甚至乎亞姐。 當你講緊「嘩, xxxx, 亞視黎嘅!」 嘅時候, 我會強烈建議大家「食左先講」, 因為對好多人黎講, 咁嘅年紀都未拍過拖, 其實未必係一個優點。

總結下,畢業後搵工係一個漫長又痛苦嘅過程, 但搵到工就代表你即將展開往後幾十年嘅工作生涯, 所以暫時未搵到工嘅同學, 放鬆心情,繼續努力;而搵到工嘅同學, 恭喜你, 記得俾家用同交稅。

 

進步會師 facebook

 

發表意見