立場新聞 Stand News

梁振英「黑口黑面」? 張志剛:佢膚色較黑 我做梁粉為榮

2016/9/26 — 13:01

張志剛

張志剛

特首選舉將於明年3月舉行,行政會議成員張志剛今早於商台節目中表明,支持特首梁振英連任,「我覺得香港而家咁嘅情況,係需要梁生啲咁嘅人」,對於有否見過梁振英「黑口黑面」,張志剛回應指「咁佢啲膚色係比較黑架喎」,更重申「我做梁粉為榮」。

張志剛於節目中表示,與梁振英共事10多年,未見過他發脾氣。被問到有否見過梁振英黑口黑面,張志剛指:「咁佢啲膚色係比較黑架喎。」張又形容梁為人比較嚴肅,他唯一見過梁控制不到情緒(lose temper)的時候,「就係搵地」。

對於有很多人不信任梁振英,張志剛指,對此也沒辦法,梁未上任之時已被叫下台,但梁上任後在房屋、安老、扶貧和環保都有成績,「你問我,我認為喺香港而家嘅情況,係需要梁生咁嘅人。我亦都覺得他整體來講,各方面嘅政策係到位,有啲嘢你睇返,係見到一啲成果」,張更笑問:「如果劉慧卿上台做特首,會唔會就香港天下太平?」對於有人質疑梁振英是否怕鄉事,張稱「驚?地產商都未驚啦!」

廣告

梁振英哽咽感謝公務員 張志剛:做戲咁叻似乎唔係佢特長

張志剛認為,從政的人有不同風格,「梁生冇咩甜言蜜語,即佢唔夠軟嘅個人」。

廣告

至於梁振英上周於解釋橫洲計劃的記者會中哽咽感謝公務員,指搵地建屋是「粒粒皆辛苦」,張稱梁振英有很多優點,但「做戲咁叻似乎又唔係佢特長」,梁亦有他的感受的。張又指,政府在找地方面是很辛苦,「辛苦處不足為外人道」。

對於財政司長曾俊華或即將卸任的立法會主席曾鈺成,皆是熱門的特首人選,張志剛指他不會評論其他人是否合適,「人哋自己而家都無話選」。張又稱自己很有「政治紀律」,不會公開批評政府的同事,重申支持梁振英連任,因為梁振英為香港把脈,「用鋼鐵嘅意志、洪荒之力,去解決呢啲問題呢,我覺得梁生係最適合人選」。

到節目訪問尾聲,張志剛更強調「我做梁粉為榮」。

 

發表意見