立場新聞 Stand News

機管局話喎:高鐵去北京、重慶 沒有競爭力!

2017/8/1 — 21:06

圖由作者提供

圖由作者提供

係人都知政府一向做事龍門任搬,鐘意彈出彈入,估唔到為推大白象工程,可以做到厚顏無恥,仲要今次自打嘴巴。兩隻大白象係度互相撕殺,大家都係大白象,不需分得那麼細吧……

事緣早兩日政府新聞網出左張圖,話高鐵上廣州仲快過飛機,網民們嘩然。可能我記性太好,以及當年真係放了好多心機反三跑,我就記起機管局曾經在推銷三跑時,出過依幅圖,踩低高鐵。

圖中顯示,高鐵前往10個大陸城市(包括上海)慢過飛機,並特別指出當中有5個城市,包括北京、重慶、西安、成都及昆明,高鐵「無競爭力」!!

廣告

機管局推銷三跑時,就話長途高鐵冇競爭力。而林鄭於7月9日參觀石崗高鐵停泊處時,就話搭高鐵去上海、北京好方便。咁邊個先啱?話時話,要坐7、8小時去上海、北京,而香港人時間咁珍貴,林鄭都未必會咁做啦…..

其實政府都幾卑鄙,推銷三跑時就容許機管局踩低高鐵,宜家推銷高鐵時就講到上海、北京好似係香港隔離咁……

廣告


(註:為了傳神一點,今篇文章有很多口語)

圖由作者提供

圖由作者提供

發表意見