立場新聞 Stand News

欣賞完《華為美》,要為張如城平反

2019/2/28 — 11:44

睇報道話有隻國產愛國 MV 上線喇,首歌叫做《華為美》,原來係歌頌華為手機,歌詞話「華為給我曾志偉(sorry,係增智慧)……老師教我愛祖國……國產呀手機愛華為」。

歌詞難頂之餘,個 MV 裡面班細路嘅表情同唱腔,唔駛估喇,exactly 就係大陸啲樣板矯情造作 style,我睇得完呢條片,都嫌自己包容過龍。將來大灣區溶咗香港,你哋啲細路就會係咁唱樣板愛國歌㗎喇。

MV 裡面 solo 嗰幾個細路,全部開全名,有個仲寫明係香港嚟,拍條咁嘅騎呢片仲要開全朵,真係一舉成名天下知,呢位姓黃嘅小朋友有前途呀。

廣告

睇完條片,我忽然有一點愧疚,當年嘲笑《有耳的棺材》唱作歌手張如城,相比之下,我而家覺得其實張如城順眼咗好多。

其實華為賣咁多地鐵同車身廣告把鬼咩?一條咁嘅 MV 已經_到冇朋友,陣中共式愛國大媽味隔住個 mon 都聞到,仲用華為?老師教你愛祖國,國產手機愛華為呀。

廣告

 

作者 Medium

發表意見