立場新聞 Stand News

正治製作《雨傘飯局》 一餐任選絲帶黃藍綠

2015/9/24 — 14:04

開飯,是我們每日都做的事,但香港地開飯一啲都唔簡單,除咗乜都加乜都貴之外,當一家三口立場各異,同枱食飯分分鐘甚至變成同場較量。情節咁熟口熟面?唔係抄考啦,一年前好多人嘅屋企多多少少都食過,一餐半餐呢啲火藥味甚濃嘅飯吧?

YouTube Channel 正治製作,趁著雨傘運動一周年將至,推出最新影片《雨傘飯局》。一家三口,父母仔分別象徵社會上綠、藍、黃絲,將佔領日常的戲碼,搬到視頻世界裡去。情景雖然似曾相識,但用一個第三者的角度,再回顧這段歷史,可真是「嗒落有味」。

短片最厲害的地方是,一餐飯可以選擇用三個不同的角度出發,聆聽各人唇槍舌劍背後的心聲。慈母激動的背後,何曾有一分理解?後生追求民主之餘,還有甚麼原因驅使他們走上街頭?黃絲藍絲的立場,或者大家都清楚。至於「家和萬事興」的老豆,到底是鵪鶉,還是「世事都被佢看透了」?針鋒相對之際,各不相讓之間,常言道要聽聽對方心底話,現在機會來了!

廣告

傘後一年,特首我地都係無得揀,但飯局嘅立場,我地仍然有選擇。

廣告

發表意見