立場新聞 Stand News

海洋世界喎 ... ... 其實是毛孩地獄

2016/8/8 — 10:49

場邊故事圖片

場邊故事圖片

當我哋嘅Facebook日日都充滿住喵星人同毛小孩嘅得意相,但喺地球嘅另一邊…呀不幸嘅事,發生喺鄰近廣州,有好多極地動物生活條件非常惡劣:唔係烏煙瘴氣,係連氣都無訂抖。

今年年頭開幕嘅廣州正佳極地海洋世界,動物起居地方只有薄石屎間隔,配以姣婆藍色牆,除咗遊人嘅近距離閃光燈,大部分時間都幾暗,無乜陳設,無嘢玩,無嘢遮,狐狸室只有幾碌木同狗糧碗。動物同遊人之間嘅間隔係好薄嘅玻璃,就片段所見,有講廣東話嘅遊人話呢隻北極/啡熊混種懶,其實有眼見都明隻熊好攰,周不時守住個閘,又悶悶不樂。

廣州市海洋與漁業局介入調查,發現有啲動物入夥嘅時候受傷,甚至已經死咗。但呢個水族館仲堅持自己成立目的係為咗普及科學同埋培育海洋生物 (!!!) 。亞洲動物基金同埋中國鯨類保護聯盟已經聯絡管理公司:海昌海洋公園控股,希望瞭解更多有關動物嘅生存條件,但海昌並無回應。

廣告

亞洲動物基金指,雖然短期內應該唔可以拯救到呢一群動物,但好希望有更多人持續關注呢件事,因為基金代表探訪同提出建議嘅第二日,管理方開始著手改善設置,加咗雪比北極/啡熊。

你都可以聯署關注極地動物嘅待遇,截至8月5日下午近7點,已經有541,439人簽署。

廣告



圖文來源

(原刊於場邊故事,標題由編輯所擬)

發表意見