立場新聞 Stand News

港人講水

2017/6/2 — 11:30

【文:Joey】

立法會上,獻世派不斷重提香港六七十年代大旱制水之苦:「東江之水越山來」,飲水思源要感恩!

咦,咁五十年代中國難民大逃港,害香港人口爆炸水塘不足供水你唔講?新中国建政赤化大陸害死香港,反而又來扮恩主!

廣告

港人港水都話挑釁?邊個日夕叫囂截水渴死香港人呀!長期勒索、充分敲詐:香港買水價是東莞一帶水費四倍!粵海投資港交所上市編號 0270,無本生利幾十年最開心。

盧偉國經民联工程界議員就咪攞樂安排海水化淡廠來講啦~舊時蒸餾法你同今日 reverse osmosis 逆滲透技術比較?點「製造更多溫室氣體」呀?丟架。

廣告

陳健波:「海水化淡有個隱憂,就係而家海水污染嚴重。」係!中国海洋垃圾污染嚴重,告佢丫笨。

蔣麗芸:「香港市民都係喜歡飲天然、無落過化學劑既東江水!」七十年代左仔愛国學校,教師係咁樣洗腦學生,話港英起海水化淡廠是「整毒水」害人的!估唔到今日有蔣大媽繼承反科學反智。

唔該香港水務署化驗室出來講解一下:過濾淨化東江原水要加幾多化學物質。以正視聽!

「統包制保証大旱供水穩定」?鼎!你出張信用咭「統包還款」,每個月還足信貸上限額啦!費事日後銀行擠提唔批你提高 credit limit 呀。

「東江斷水買蒸餾水沖涼」呢D恐嚇,我聽過,真係聽過!係囉,英國佬殖民香港第一件事,就是在維多利亞城築薄扶林水塘儲水,一直至船灣淡水湖、西貢萬宜水庫:香港水塘儲水約供應三成日常用水。

既然中国殖民人口每日150人口暴增,還不斷以食水供應長期勒索敲詐香港人,咁,就首先將單雙非單程証冚家送返偉大祖國!

成日要學新加坡,星洲一早列水資源為國策!海水化淡、再生水勁到賣返水俾馬來西亞。是獨立主權國家,有自主人口政策,土地供應安居樂業,水頭充足。

學嘢啦,港豬!

 

作者簡介:作為一個香港人,時刻發揮厚多士精神,生活上眼見怪事、錯事、愈來愈過份,一於插到佢暈!Never be afraid to say what you feel - You can only die once.

發表意見