立場新聞 Stand News

【港版無聲吶喊?】引法醫報告指事主是處女 張健華:佢係一個處女 咁性乜嘢交啫?

2016/10/18 — 11:11

張健華

張健華

「康橋之家」前院長張健華獲撤銷非法性交罪,引起社會關注,現年58歲的張健華今早接受港台訪問時表示,事件沒有經過審訊,故辯方未有機會拿出資料辯解,「絕對係唔公平」,「基本上我自己係受害人,唔係佢係受害人」。他又引述一份法醫報告,指事主是「處女」,而罪行是講非法性交,「佢係一個處女,咁性乜嘢交啫?」

港台《千禧年代》今早播出張健華的訪問錄音,張健華表示,事件沒有經過審訊,在辯方未有機會拿出任何資料證明無這件事的情況下,控方就拿出所有手頭上資料指控他,「絕對係唔公平」。張又引述一份法醫報告,指事主是「處女」,而控罪是講非法性交,「佢係一個處女,咁性乜嘢交啫?」,認為這是一個存疑的大問號。

他又指,據控方拿出的8份醫療報告,醫生有寫事主有受害妄想症,「佢講嘢好有問題的情況下,佢不適宜作供,全部有作假。」

廣告

他又提到自己夢遺的情況,指事發地是宿舍,不要當是辦公室,當時他丟了紙巾,有片段顯示事主扯他回辦公室,「佢想攞啲嘢,佢在寫字樓周圍摷,我諗住做啲得意動作,氹佢開心,想佢快啲走,佢見到垃圾桶內有一包飲完的陽光豆奶,佢話要飲品飲品,我就唔識聽,自己本身隻眼又唔好,佢在垃圾桶拾起豆奶,然後打瀉了垃圾桶,就唔知口水定體液掂到6張紙巾裡面其中2張,兩張裡面有微量DNA喺度,完全是污染過程,跟住叫佢執返,佢攞咗啲嘢,跟住氹下氹下,叫佢出返去。」他強調全程在寫字樓僅逗留了兩分幾鐘。

他指若事主的口供能公開,他會刊登在報章上,「睇下所述嘅性侵案究竟係咩嚟?我自己都唔係好識分」。

廣告

被問到是否從來沒有性侵事主,張健華指「完全無啦,係倒轉頭佢拉我入寫字樓㗎,我有叫過佢出嚟,佢拉番我入寫字樓㗎」,又指醫療報告透露事主有好多突發性行為。

張健華說,目前要找人幫手整理好資料撮要,讓大眾知道具體情況,「基本上我自己係受害人,唔係佢係受害人」。

 

發表意見