立場新聞 Stand News

港珠澳豆腐渣工程揭秘

2019/2/26 — 13:46

全民教育局製圖

全民教育局製圖

【文:保安員小李 @港珠澳大橋(全民教育局特約文章)】

呢排睇到有新聞話港珠澳大橋工程係豆腐渣工程,通車 4 個幾月,香港口岸旅檢大樓外就出現嚴重地陷,其實點只咁少嘢!呢個天價港珠澳大橋人工島仲有好多不為人知嘅問題,等我「港珠澳保安員小李」爆俾你知啦!

1. 點只旅檢大樓巴士站有沉降,其實成個島沉降嚴重,大樓入面有好多東一撻、西一撻嘅地磚拱起,「請勿接近」標語貼到周圍都係,行路都要兜路行!

廣告

2. 大樓消防系統有問題,消防鐘兩三日響一次甚至一日響兩三次,消防局成日接到警報:「又係你哋港珠澳大橋呀,小李?」

3. 為咗開橋急住交貨,成幢大樓得個大堂見得人,政府部門做嘢嘅地方好多未搞掂,唔少連部門房 number 同房名嘅牌都未貼上去,保安同事巡邏好容易蕩失路,走入啲唔應該入嘅地方。

廣告

4. 廁所去水有問題,搞到大樓嘅廁所塞,唔係一個一個馬桶咁塞喎,係一區一區咁塞!嚴重到要封廁所!仲有啲廁所門成日爛,更有部份廁所由開橋到而家都未安裝好。

5. 講完硬件,講下啲人手問題。由於趕着開橋,投入工作,前線同事尤其保安員缺乏足夠訓練,好多時遇到啲人誤闖禁區或者起哄鬧事都唔識處理。

6. 管理公司成日計錯糧,經常出少幾千蚊甚至成萬蚊糧,津貼又出唔足,追極公司都追唔足數,員工邊有心機返工?

7. 同工不同酬問題普遍,炒散員工人工仲高過正職保安員,出事又唔使負責任,嚴重影響正職員工士氣!

 

全民教育局 Facebook

發表意見