立場新聞 Stand News

【港視攻勢】「區區大送禮」推網購惹投訴 王維基親自跟進回覆網民 獲讚「加晒分」

2015/8/3 — 12:05

由於不獲政府發牌而停拍劇集、早前拍下的劇集亦快將播完的香港電視,近日大手筆在港鐵沿綫賣廣告,宣傳其網購頻道,並推出「HKTVmall區區大送禮」促銷計劃,指明消費者網購買滿400元,就有禮品附送。不過,有市民在其個人Facebook投訴,獲贈的禮品貨不對辦,直斥港視主席王維基「枉香港人咁撐你,400$就試到你點做生意」,又揚言「呢次唔搵記者做嘢我跟你姓」。此帖發出不足1小時竟獲王維基親自回覆,並稱會跟進處理,王此舉獲網民大為表揚。

翌日,該名市民就在Facebook發帖表示,收到港視通知,「於話肯將個密瓜變返咖啡機」,他今日更鬼馬地發帖「找數」,把王維基的姓氏貼在自己身份證上「跟王維基姓」,更表示「就當我係敬HKTV」。

香港電視為推銷網購業務,包起港鐵月台廣告燈箱,宣傳買滿400元就有贈品促銷活動,而且每區所贈物品都不同,例如中環區就送巨鋒提子、灣仔區送日本毛蟹、鰂魚涌送咖啡機、杏花邨送熊本熊內褲、坑口送狗糧、旺角送薯片等,早前已有網民質疑這種分區贈品「大細超」,有人笑指樂富居民只得底褲,不過亦有網民指出,「其實private structure d底褲都幾貴下。以價值黎講係唔差既(嘅)」。

廣告

網民李穎昨日凌晨1時18分就在其個人Facebook發帖,指出:

「咁大間HKTV,搞個活動話每站都送禮品,咁好啦送到自己果區話有咖啡機,咁咪支持下囉,明明落單果下都重顯示緊係咖啡機,轉頭埋左單就變左話送蜜瓜,去cs問又話問相關部門然後等email覆我。八月一號開始搞呢個活動,八月二號0時十幾分落單就已經話無曬,咁就唔好呃消費者啦。

王生,枉香港人咁撐你,400$就試到你點做生意,我圖都cap低埋,呢次唔搵記者做野我跟你姓。」

廣告

圖片來源:網民李穎Facebook截圖

圖片來源:網民李穎Facebook截圖

不足1小時後,一名叫「Cheng Wai Lam」就留言稱,「我是王維基。我想知道你是如何輸入地址?」該名網民質疑「真定假啊你?」,王維基及後就用自己個人Facebook表示「Yes. I am」以及「Cheng wai lam is my PA」。他又跟進該名網民的問題,在多次留言來回答問後,直至凌晨2時10分,王維基才留言稱,「 I need to sleep now. Will follow up with you again tomorrow.」

不過,一眾網民就已經沒有再理會李穎的售後問題,只是不斷留言稱讚王維基,身為老闆卻親自為顧客處理售後問題:「王老闆其實真係好有心去做好佢既野(嘅嘢)」、「王生今次加哂分」、「底(抵)你個台咁多人睇同撐」、「老闆親自解決問題,真係難得!真心有心出力老闆而家都好少有,要老闆親自解話一定要行得正企得正先有呢種勇氣,睇完呢個post我都要力撐王老闆!」

昨日下午,李穎就再次發帖,表示已經收到港視來電跟進問題,「終於話肯將個密瓜變返咖啡機」,他又為港視網購服務提出建議,指「但購物系統要做得更好,無謂再遇到呢種麻煩,否則對自己個品牌傷害好大。」並提出每區禮品不同,造成不公平的情況,以及「柴灣區完全唔見咗」。

王維基亦有親自回覆,稱「其他非地鐵地區禮物是北海道蜜瓜」以及「 柴灣站無指定禮物是因為該站月台沒有廣告板」。

圖片來源:網民李穎Facebook截圖

圖片來源:網民李穎Facebook截圖

而這名網民亦沒有「走數」,今日在Facebook貼出他在身份證上姓氏一欄貼上「王」字的圖片,表示「我從來唔走數,話改就改,就當我係敬HKTV既!(雖然我係now出身⋯)」

圖片來源:網民李穎Facebook截圖

圖片來源:網民李穎Facebook截圖

發表意見