立場新聞 Stand News

港鐵就行李尺寸規定收集意見 網民一面倒鬧爆

2015/9/30 — 12:38

近日發生多宗市民攜帶樂器乘搭港鐵後,被職員驅逐或罰款的事件,導致港鐵被質疑是選擇性執法。港鐵昨晚在Facebook表示,開始就行李尺寸問題收集市民意見。不過港鐵此舉未能為事件降溫,反遭網民一面倒留言炮轟。

港鐵在Facebook發文指,正檢討攜帶物件尺寸的規定,一方面要顧及乘客合理需要,另外亦要考慮對其他乘客的影響及安全因素。港鐵強調重視意見,並特別設立了一個電郵戶口「[email protected]」,在未來收集市民意見之用。

【聆聽你的意見】港鐵檢討緊攜帶物件尺寸嘅規定,一方面要顧及乘客嘅合理需要,另外亦要考慮對其他乘客嘅影響同埋安全因素。近日我哋都收到唔少意見,我哋好重視,特別設立咗一個電郵戶口收集大家嘅意見,誠邀各位喺未來兩個星期(29/9至13/10)...

Posted by MTR on Tuesday, September 29, 2015

不過港鐵做法未能平息網民不滿,不足一日就引來超過300個留言,幾乎一面倒炮轟港鐵選擇性執法,未有檢控站內水貨客,「請解釋,上水d成個人咁高嘅貨,職員仲要開埋行李閘,幫佢㩒埋升降機,如果七日內唔答ICAC見」、「想借放寬樂器過橋放生埋走私賊,用膝頭都估到諗咩屎橋啦」、「我們只要你公平執法,不要歧視香港人,難道很難嗎?」

廣告

有不少網民就質疑港鐵假諮詢,「重視什麼?水貨客問題講左十世有無嚴格做過野,執行附例?」、「我投訴咗咁耐,你哋就真係得個聽字,永遠都唔會去做,你哋果班CS(客戶服務)真係hea爆」。

廣告

發表意見