立場新聞 Stand News

港鐵拍片籲放下背囊變公關災難 網民轟離地擬「齊拖篋」抗議

2017/3/7 — 13:17

港鐵一向有車廂擠迫問題,公司日前推出短片,呼籲乘客上車時放下背囊,以免碰撞其他乘客,卻惹來網民猛轟,質疑是港鐵管理層「堅離地」、「孭個背囊都要畀人批鬥」,更有人指問題出於太多人搭港鐵,有網民稱計劃發起「戒背囊、齊拖篋」行動抗議。

港鐵接受本網查詢時表示,正在跟進事件。

港鐵本月2日於Facebook專頁發布長一分鐘的短片,指乘坐港鐵最怕碰上「孭嘢人」,形容背囊客有如「後波碰碰車」,又會「左擰右擰」、「不動如山」,呼籲背囊客「孭起放得低」,在車廂中放下背囊,避免碰到其他乘客。

廣告

短片惹來網民猛轟,有網民指出有乘客拖篋問題更嚴重,阻礙更多空間,「拖晒大喼亂撞人又唔話」,批評港鐵管理層離地:

- 走水貨成棟貨上車嗰d你唔講!!背囊點都唔夠拖喼嘅阻掟!!!!!
- 你唔整短片去閙班拖喼黨,拉車仔黨,bb車黨而走去歧視孭背囊???無野呀??個背囊點嘅空間都大唔過前面3様野呀!!! #地鐵公開歧視孭背囊
- 東鐵拖喼又唔見你叫佢地識do??
- 後生唔單止唔畀坐,連孭個背囊都要畀人批鬥?
- 請MTR高層唔好咁堅離地!得閒搭吓火車,就知「孭嘢招式」高手一定唔及「行李車仔購物袋」高手咁橫行!

廣告

著名博客林忌昨於Facebook專頁指,「為保障各位有需要孭背囊的香港人」,呼籲大家改用行李篋,計劃發起「戒背囊、齊拖篋」行動,「奉港鐵呼籲:戒背囊,齊拖篋,迫爆港鐵!」

 

發表意見