立場新聞 Stand News

【港鐵縱火】田北辰倡執法人員 站內隨機搜乘客物品 「下次再有個癲佬 真係走投無路」

2017/2/13 — 12:29

田北辰

田北辰

港鐵上周五發生車廂縱火案致19人傷,立法會鐵路事宜小組委員會主席田北辰今早出席港台節目,建議在港鐵加裝閉路電視,以及由武裝執法人員於車站隨機搜查乘客的隨身物品,「唔使一定可疑」。他明白市民會對建議有反彈,但今次縱火事件,反映市民乘搭港鐵的風險,公眾應就此討論,「你迫係個沙甸魚車廂入面,下次再有個癲佬,再有任何嘢發生,老實講,講得難聽啲,真係走投無路。」

田北辰認為,港鐵列車上必須有閉路電視,監視車上情況,「如果唔係必須,點解新車要有?」他認為,未來港鐵更換有閉路電視的新列車前,可以先在舊車安裝較簡單的無線閉路電視系統,會敦促港鐵考慮。

對於數年前加設閉路電視引起私隱問題,田北辰認為,香港太着重私隱方面,認為可在處理相關資料上「落重藥」,確保大家認為私隱不被侵犯。

廣告

田北辰說,私隱通常涉非公眾地方,「一個人去到公眾地方,你都預咗啲人望到你,例如話你着啲衫暴露,你咪喺屋企着,唔好行出街。你行出街,都可能覺得人哋欣賞你先望你,咁人哋望得多又唔啱?」

田北辰指出,香港社會需討論私隱及安全的問題,他舉例指,倫敦、紐約鐵路系統均安裝大量閉路電視,並要有足夠人手監察影像,「例如今次事件,佢(疑犯)唔會走入港鐵無動機,點都會周圍望下,荒失失咁。」田認為,其他人安全比私隱重要,如在閉路電視遇形跡可疑人物,警方可主動介入截查。

廣告

隨機抽樣  「唔使一定可疑」

他又建議,由執法人員在站內隨機抽樣截查,他稱,港鐵與警方一向有協議,警方可以在站內隨機抽樣調查,「抽咩呢?通常抽攞住袋嘅人,唔使一定可疑,總之每十個抽一兩日,有阻嚇性作用,人哋就未必一定會再諗。」

田北辰指出,閉路電視可專注監察月台上乘客,由專家留意可疑情況。他又指出,在內地以及有其他西方國家同樣有執法人員在站內抽樣截查,可有阻嚇作用。

他承認,隨機搜查乘客物品,香港人或會覺得「煩到死」,「但大家都要平衡,睇你幾多個抽一個。」他在節目之後補充,「當然這樣做很擾民,相信搜查百份比會降到好低。」

他明白市民會對建議有反彈,但今次事件反映港鐵風險,「你自己知道你迫係個沙甸魚車廂入面,下次再有個癲佬,再有任何嘢發生,老實講,講得難聽啲,真係走頭無路,架東又郁緊,當你諗到呢啲嘢,有幾多人會反對呢?我覺得,大家都可以攞出來傾。」

 

發表意見