Rosina

Rosina

非牟利機構工作十多年,自覺係好人一個,愛生活,愛自由,希望簡簡單單開心過日子。

2019/4/6 - 9:00

為官首先要不仁,然後要識耍公眾

勞工及福利局局長羅致光(資料圖片,來源:政府新聞處)

勞工及福利局局長羅致光(資料圖片,來源:政府新聞處)

拾荒婆婆向勞福局局長哭訴想搵工都無人請,局長耍句:「可以搵勞工處協助就業。」所以係勞工處的問題,老人家朝不保夕與社會缺乏保障、安全網無關。

僭建律政司同你解釋送中惡法,「不是任何一個人或機構就可以完成逃犯移交程序。律政司會先檢視要求移交的個案,再由特首決定是否啟動程序,其後法院會有公平的審訊後,特首才會發出移交令,「所以絕對唔係任何一個人或任何一個機構可以將這件事完成。既然「由特首決定是否啟動程序及發出移交令⋯⋯」特首就係一個可以做决定移送逃犯的人。

耍我咩!特首都係睇律政司比建議佢喎,局長僭建一事唔查就知佢幾咁聽律政司建議啦!最後就係黑箱作業,要人送人,一路向北。

廣告

保安局局長在電視節目中稱法庭會聆聽當時人抗辯,並指公開聆訊經傳媒報道後,公眾可判斷是否屬政治性質罪行。

耍我咩!公眾意見幾時有影響過檢控同結果?如果可以咁好多案都要重審,佔中三子、魚旦革命,最緊要即時檢控689貪污案啦。

最鍾意講「依法辦事」的特首被追問有關《逃犯條例》修訂:「政府建議修例時一向很願意聆聽各界意見⋯⋯」

耍你嗰句係後面 「倘意見和立法大原則沒有衝突,政府大多數會從善如流接納⋯⋯」

最後耍多你一句「任何本會議員,詆譭香港司法制度,話香港有司法獨立係廢話,係辜負香港市民!」

究竟邊個辜負香港市民?