立場新聞 Stand News

現代版本國王的新衣

2018/1/23 — 22:01

呢個世界,講咗一千次嘅謊言,始終都係謊言,唔會變成事實,醜婦終須見家翁;但現實中,人云亦云或者趨炎附勢嘅「人」實在太多啦,正所謂「君子不立危牆之下」,行騎樓底戴鋼盔,話哂都安全啲。

問題係,若要人不知,除非人白痴,喺21世紀嘅今天,社交網絡橫行天下,敢於指出國王光脫脫露出小雞雞嘅事實,和而不同,特立獨行,謙虛自恃,日子有功,慢慢建立起個人風格,從今以後以信譽走天涯。

相反,壓制、堵塞、白紙黑字規條或不成文規矩,無助於營造互信基礎的氛圍,道理一字咁淺,腦細高層同埋扮高層人士,唔識就唔識,或者詐諦扮唔識。

廣告

學唐伯虎話齋:「別人笑我太瘋癲,我笑他人看不穿,不見五陵豪傑墓,無花無酒鋤作田。」不識時務者為俊傑,正是區區在下講嘅,我無諗過改,亦唔需要改,呢啲就係風格囉。

長遠嚟講,做人做事,有乜嘢重要得過風格信譽,正如《孤星淚》主人翁曉治積曼咁唱:「Who Am I」,懷疑自己就唔好啦,係咪?
 

廣告

 

作者 facebook

 

發表意見