立場新聞 Stand News

瑞士待客之道

2015/8/31 — 12:47

瑞吉山鐵路從上月開始試為亞洲遊客專設列車,專車9月將正式啟用。 ( 圖片來源:維基百科 )

瑞吉山鐵路從上月開始試為亞洲遊客專設列車,專車9月將正式啟用。 ( 圖片來源:維基百科 )

【文: 乾隆皇】

近來無咩焦點新聞,又或者有太多唔同類型的新聞:政務官被辭職、屋邨鉛水風波、天津大爆炸、電車被批慢過行路應予取締、民主黨閉門會面、中央暴力(失敗)托市、紅磡豪華劏房等等。每篇新聞感覺與香港市民息息相關,但最令筆者著眼的是這篇「強國客迫爆瑞士名山 設亞洲專車被轟歧視」。

強國崛起,國民遠赴瑞士一睹飄雪名山,人均財富名列前茅嘅瑞士為強國遊客設立專車,竟受批評指此舉有歧視之嫌。

廣告

要數瑞士文化歷史旅遊景點,甚至足球隊,筆者都可以略談一二,但筆者相信強國人對瑞士最大認識,除了可以不問因由下幫助高官國企老闆們將「私己錢」妥善收藏的瑞士銀行外,一定是尖沙嘴廣東道、銅鑼灣羅素街上大招牌 / 旗艦店中大賣廣告的瑞士名錶。根據維基百科(筆者知道未必準確),瑞士最大經濟體之一為製造出口業,而當中當然要數鐘錶業。筆者對呢方面無甚研究(說穿了,無錢嘛…),但亦知道一隻手錶能成為名錶,除了「科水」打造品牌外,更要有細膩而精確嘅技術以及一絲不苟的人去精雕細琢,所以崇優之士自然對瑞士手錶鍾愛有加。而貴為天朝大國的國民,由以前下令番邦進貢的傳統,當然亦能學會崇優之道,反向瑞士進貢,買入數隻「劳力士」「百达翡」「江诗丹顿」配戴在手腕上。至於錶上時針分針準確與否未必是重點,最重要出去飲兩杯,揚手大叫服務員:「來一杯『拉菲』」的時候,讓坐在吧台旁的短裙女士瞟上一眼然後過來搭訕。

既然香港尖沙嘴銅鑼灣已有正貨,為何強國人要千里迢迢去到瑞士?除了土地問題外,「據聞」係瑞士買錶可以像肥媽在街市買菜一樣「平多DD」。強國人雖然荷包腫脹難分,不斷以行動向全世界宣揚「有錢就是任性」,但骨子裡始終知慳識憸,「平得一蚊得一蚊」心態下自然要親身前往掃貨,並以天朝大國子民身份往番邦國宣揚一下中國式文明。瑞士旅遊當局亦深明待客之道,難得消費力強勁嘅貴客專訪,當然要提供專車接送,提供專用簡體字標語以防中國大媽們因為睇唔明當地文字或聽唔明當地語言(註:瑞士法定官方語言為德法意及羅曼語,而旅遊區一般亦會加上英語)而以大媽式聲浪及肢體動作投訴。投訴事少,被外媒誇大報道事大。最怕傳入中方傳媒廣泛報道,影響國民玻璃心,排斥瑞士產品,連瑞士糖都受牽連,點算好?瑞士當局如此苦口婆心,豈有歧視之理?但最後仍 被轟歧視,我看是因為瑞士做得不夠徹底,做一半唔做一半惹來反感。

廣告

要做強國人生意,只照顧交通絕對不夠,應該要效法梁特政府向市民們推廣「包容」,例如在雪山之巔設立大媽舞專用廣場,相信更加能相得益章。筆者不才,無法以德法意及羅曼語撰寫電郵提議當局。筆者心中亦非常矛盾,既希望強國人民開始排斥瑞士,還瑞士一個平靜,但更怕強國人發現原來返來香港購買名錶比於番邦國更開心。唉,人生就是如此矛盾。

 

進步會師 facebok

發表意見