立場新聞 Stand News

申請中環唔俾電車行,唔好玩啦

2015/8/17 — 17:08

 

有「顧問公司」向城規會申請取消中區電車規劃(報導)。睇牌面資料,呢個所謂寫報告嘅顧問公司似乎你騎呢怪。交報告嘅人好大機會係唔坐電車嘅人,唔知收報告嘅人係唔係。響呢啲人眼中,阻到佢地揸車嘅嘢都應該消失。

電車阻住路面?你中環填海都已經起多n條行車線啦,仲唔夠?

廣告

講阻路,一架電車可以載成百人,私家車要載一百人就要接近一百架車,邊個更加容易導致塞車?要減少塞車,點解要消滅電車,唔係限制進入中環嘅私家車數量?

至於電車應唔應該保留,佢對交通嘅貢獻只係其中一理由,除此之外,仲有香港城市景觀、環保問題(電車咪就係有過百年歷史嘅電動車)、市民方便問題等等。雖然顧問騎呢,不過消滅電車嘅論點間唔中都會見到,所以大家唔好覺得得啖笑。

廣告

 

原刊作者專頁 kurskHK.net 庫斯克

發表意見