立場新聞 Stand News

研究:文言文範文充滿負能量

2018/7/30 — 12:45

電視劇《虎嘯龍吟》截圖

電視劇《虎嘯龍吟》截圖

香港年輕人充滿負能量,有論者怪通識,有人怪冇史讀,筆者研究就發現可能是跟中文科有關。仔細閱讀,可以發現中文科範文,尤其是文言文,內容多涉自命清高、懷才不遇、借事諷今、唉聲嘆氣,非常負能量。為何不可以正能量面對被貶官、被流放、和國破家亡?比較正能量的例子只有教人接受住劏房現實的《陋室銘》等少數。還有問題就是泛政治化,連去個旅行寫個遊記都可以牽涉政治。當局實應檢討一下。以下為一些例子:

《曹劌論戰》食肉得罪你呀?素食者真係好負能量
《廉頗藺相如列傳》請罪咪請罪,做咩要自殘?教壞細路
《出師表》成日話危急存亡之秋,不如話蜀漢最黑暗一日?
《歸去來辭並序》打工好辛苦咩?正廢青
《春曉》打風淨係諗到花落,唔可以係雨水滋潤大地嘅
《清明》掃墓一定要欲斷魂㗎咩?唔可以興高彩烈嘅?
《登樂遊原》睇夕陽都可以諗到只是近黃昏,負能量
《八陣圖》點解係要「遺憾」失吞吳?唔可以正面啲嘅?
《黃鶴樓》黃鶴樓冇黃鶴好失禮你咩?菠蘿包夠冇菠蘿啦
《送元二使安西》西出陽關無故人又點?唔可以識新朋友嘅?依啲咪叫唔肯走出 comfort zone 囉
《始得西山宴遊記》做咩要加咁多政治意味?唔專心做旅行 KOL?
《岳陽樓記》點解唔可以先天下之樂?要逼自己充滿負能量?
《六國論》中國大一統唔好咩?做咩要阻住秦國統一?
《水調歌頭》成個感覺都好負面,聽得出作者唉聲嘆氣
《聲聲慢》淨係讀出嚟個聲音都已經超級負能量
《虞美人》換咗老細啦,仲掛住回首故國
《滿江紅》鼓吹暴力

 

廣告

原刊於作者網誌

廣告

發表意見