立場新聞 Stand News

社企新店周日開張 明哥:深水埗呢隻鑊,邊度穿窿我去補,香港咁大隻鑊政府補

2016/6/30 — 20:57

明哥新店,仍在裝修。

明哥新店,仍在裝修。

免費派飯給基層市民的深水埗「明哥」陳灼明經營的大南街副店,年初因加租而面臨停運,幸得相鄰業主出手相助,得以搬往對面舖另起爐灶。經數月裝修後,新店終定於周日(7月3日)開張,更會以社會企業形式營運。

新店名為「北河同行」,意謂讓各路人同行。在明哥眼中,只要幫到基層,不管是哪門哪派,也可合力行善。明哥強調凡事要保持中立,望團結各界,幫助有需要的人。

「中立就可團結所有教派,所有唔同政見、黨派、都可以參與我哋活動,所以最後我哋選擇了『北河同行』,就係呢個意思」,明哥續指,「黑人白人、不同政見、藍絲帶黃絲帶也可參與。最主要一人出一分力,幫到社會,幫到基層」。

廣告

「力量可以龐大啲,幫到更多人」

明哥成功吸納各界力量,同路者眾。

廣告

舊副店面臨加租,明哥即獲新業主相助;新店裝修需要物資,不少善心人義不容辭提供贊助,瓷磚、冷氣、電燈、枱櫈,統統送到店上;新店開張日,明哥和義工不忘派飯,又有善長贊助龍躉大蝦,以炮製豪華海鮮飯盒。

立法會議員謝偉俊、蔣麗芸、張宇仁、「民主思路」召集人湯家驊也曾接觸他,了解香港社會需求,明哥也樂意提供意見和反映現況;公民黨毛孟靜於李鄭屋邨辦事處開幕,明哥也應邀主禮。

「點解要保持到中立?就係希望團結到所有人力量,我唔理係『政府派』定『反政府派』,我都可以團結,四大教會我都可以團結,所有香港市民也可團結,力量可以龐大啲,幫到更多人」。

明哥說,也因而遇過批評。早前「8.31」框架下的政改方案,明哥認為可試行接受,再檢討改進,以免令正反派別也輸,被人在facebook大罵:「你講咁多,返去做返你最鐘意做嘅切叉燒啦!」明哥沒有回應,但其他朋友幫口:「你唔知明哥做緊乜嘢,就唔好亂寫啦!」

面對批評,明哥強調「言者無罪,聞者足戒」,「講係無罪,由佢點講都得,或者佢睇到問題可以講出嚟,我聽到的,我就會分析佢哋講得啱唔啱。啱我就去改良,唔啱我可以唔睬佢」。

明哥身後的瓷磚由善長助。

明哥身後的瓷磚由善長助。

「深水埗呢隻鑊,邊度穿窿,我就去補」

明哥又批評,政府只會做「大刀闊斧」的事,往往忽略細節,明哥就負責「補鑊」,填補政府不足。

「深水埗呢隻鑊,邊度穿窿,我就去補,但係成個社會成個香港咁大隻鑊,我就補唔掂,我希望政府可以留意呢點」。

明哥說,去年底區議會選舉中,有位本身與他們合作的社工參選,稱須暫停於屋邨內派飯,「選舉委員會規定咗佢哋10月2日開始不可派物資,以防賄選,叫我哋唔好運飯盒去,要選舉完才可派物資」,「有個鬥爭就會蒙敝咗佢哋個心,我問佢唔畀派飯,咁老人家食咩?」明哥不忍長者「冇飯食」,自行接觸該屋邨的互助委員會,由其義工自行直接派飯,直至選舉完才交回區議員負責。

「政府應該一早檢討啦,點解要由我呢個讀小學嘅人去提出問題檢討?」

望將社企計劃推廣至其他區

「北河同行」會以社企模式營運,明哥透露,現正忙成立非牟利的基金母公司,以支援成立社企子公司「北河同行」,子公司會自負盈虧,目標是每天早午市的生意,可基本支持到租金和工資,每天下午4時半後就不做生意,開始派飯活動,活動經費由基金支持,「基金即將成立,基金作為一母公司,可以畀財團支援我哋擴展落去,可以報返稅,開展第一間社企,一路將我哋的社企計劃推廣出去其他區分」。

明哥強調,新舖會保持低價,「用我飲食的經驗,點樣用廉價供應到畀基層,好平咁食到餐飯,好平咁飲到杯奶茶」。

開張派龍蠆大蝦飯盒禮物 「普深水埗同慶」

明哥預告,新店周日開張,當天會派發200個豪華海鮮飯盒「普深水埗同慶」,「開張嗰日,有一個『龍蠆大王』贊助幾十斤龍蠆畀我派飯,有一個做蟹做蝦(生意)的贊助幾十斤蝦畀我,到時派『龍蠆蝦飯』,派畀露宿者」。明哥和義工亦準備了600份禮物大派街坊,包括曲奇和水果,「行埋嚟講恭喜就有一份」。

明哥又透露,現已支付了80多萬元裝修費,尚欠約50萬元尾數,但他不希望公開籌措,因為「市民的力量用來派飯」,望可申請政府資助。

新店有一閣樓,一半由明哥使用,可讓義工作分享之用,另一半由租出新舖的業主謝林繼續使用。

新店有一閣樓,一半由明哥使用,可讓義工作分享之用,另一半由租出新舖的業主謝林繼續使用。

新舖有一二手雪櫃,經修理後又可繼續使用。

新舖有一二手雪櫃,經修理後又可繼續使用。

 

發表意見