立場新聞 Stand News

究竟個名叫Jesus有冇問題?

2016/6/14 — 12:27

之前有個呃like Page「扮工室政治」自製一份應該係假嘅CV* (下圖),講話有個applicant個英文名叫Jesus,講到好似天大發現咁,好似呢個人好似犯咗彌天大罪咁,跟住仲話唔想下次收到CV「唔想見到有人叫ISIS」。

大家睇嗰個post應該可以聯想到嗰啲大公司裡面嘅HR阿姐。

叫Jesus有冇問題?問題唔係太大,至多有少少突兀。時代雜誌曾經報導過,2012年美國大約有4000個新生BB個名叫Jesus。嗰個報導本來係講美國法院裁定有個BB唔可以改名做彌賽亞(Messiah),叫Jesus其實大有人在。另外,有網友指出Jesus響西班牙語國家唔係咩罕見嘅名#。本地人叫做Jesus大概只係有少少突兀,有咩問題值得呢個虛構嘅呃like Page嘅唔知真定虛構HR阿姐大驚小怪?

廣告

By the way, Isis呢個名真係有西人用,唔係港女專用。Isis本來係埃及神祇嘅名。響有伊斯蘭國之前,呢個名根本唔係咩問題,又大驚小怪啲咩?

最值得大驚小怪嘅,其實係竟然有人覺得好得意走去share幫個Page呃like。

廣告

* 我估計份CV係作嘅。萬一係真的話,個事主真係可以告佢,或者至少向佢公司投訴。有網友用佢冇遮住嘅英文名同姓氏搵到一個同名同學歷嘅人,呢個人嘅資料都好奇怪,所以我仍然認為真實性存疑。不過涉及私穩,我唔會再求實佢身份。

# 網友提供叫Jesus嘅公眾人物嘅名:

曼城西班牙球員 Jesus Navas

嶺大經濟系教授 Professor Jesús SEADE

「扮工室政治」截圖,作者加工

「扮工室政治」截圖,作者加工

原刊於作者博客

發表意見