立場新聞 Stand News

簡單技術文 - 香港旅遊業近況

2015/9/2 — 18:59

圖由作者所製

圖由作者所製

(作者9月2日晚上後補:圖中香港1-7月的變化,應為+1.0%,不是-1.0%。文中已作出修改。感謝Fortune Chan的指正)

張圖好核突(美術F的人材),但啲數字好簡單,你識四則運算就明。

-反走私行動趕客?-

廣告

啲人成日話反水貨客行動有損香港旅遊業形象,令到啲遊客唔嚟香港。乜都唔好講住,我要澄清,嗰啲叫「走私」,唔係叫「走水貨」。「走水貨」呢個名太美麗。

好咧,望一望對面海,澳門人夠待客以誠咧掛?無反走私客行動咧掛?今年頭七個月,澳門遊客跌咗3.5%,而香港復港驅蝗,同期只係跌1.0%。當中嚟香港嘅大陸遊客仲升2.3%,而去澳門嘅就跌4.5%。

廣告

從呢啲數字,我推論唔到反走私行動趕客。你可以話呢啲行動令遊客嘅升幅下降,但事實係,升幅早已經由2010年嘅22%,慢慢減到去2013年(完全未有驅蝗、光復活動前)嘅12%。

再諗真啲,香港較澳門跌少咗2.5百分點,相當於85萬遊客。如果套用某啲經濟教授嘅講法,當一半歸咎(歸功?)於反走私行動,即係呢堆行動為香港額外帶嚟43萬遊客!!嘩,你老味,你班本土行動為咗香港好,快啲停止呢啲行動,因為會有反效果~~(附上經濟教授鴻文連結,好吹水、舐共之輩,)

點解香港遊客數字會跌?大陸遊客升2.3%,跌幅完全係其他遊客跌3.3%所拖累。Again, 跌幅完全係其他遊客跌3.3%所拖累。

-過夜遊客減少?-

啲官開口埋口嚟香港過夜遊客減少。無錯,今年頭7個月跌咗5.1%;不過同期不過夜遊客升咗6.4%。夜遊客升得慢,過去幾年已經係咁。2011-2014年,過夜遊客升6-11%、不過夜升15-27%。

點解要淨係講過夜遊客?取巧囉。唔係呃你,而係取巧,即係689最撚叻嘅語言藝術。

簡單啲講,你講嘅嘢嘅範疇/範圍越細,佢嘅變動/波動越大,就有大把機會畀你做文章。例如:

-你要戒煙,但今日食咗一包煙,你咪話你呢個鐘頭無食煙;同「我今日仲係處男」嘅道理一樣;

-你尋日食咗早午晚三餐,今日又係食咗早午晚三餐,一樣食咁多餐;但你其實減緊肥,又要同人講你食少咗嘢,咁你咪話,尋日午餐係食兩碗飯,今日午餐食咗五十粒米,咁聽落去咪好似食咗咗嘢(但完全唔講食乜餸);

-女友問你去中環做乜,你話去食翠華,而唔講你去蘭桂芳yo咗幾條女。

唔講整體遊客數字,淨係講過夜遊客,呢啲咪係取巧囉。一個唔留神,咪畀佢引導到去話旅遊業形勢好惡劣。

點解過夜遊客會跌?你不如倒轉問下點解啲人會過夜?香港遊客有接近80%遊客係大陸人,佢哋絕大部份唔係第一次嚟香港,當中不乏只係貪平貪方便去北區買日用品嘅即日鮮。香港豆腐膶咁細,景點來來去去嗰三幾個,啲大陸佬嚟多次,仲過夜?

如果我住喺東京迪士尼隔離,我仲會唔會日日入去由朝玩到晚呀?畀個林志玲(真嗰個又好、暗黑嗰個又好)同你床上大戰,日戰夜鬥,你好快都由一日三次變三日一次啦。大佬呀,會厭嫁!

係厭呀!所以日子越耐,過夜遊客嘅升幅一定會放緩,甚至出現下跌;相反不過夜旅客升幅較高,成為市場主導。呢個並唔係香港旅遊業出現乜嘢問題或者響起警號,而係喺大陸人嚟香港咁方便,加上香港係一個咁細地方嘅情況下,必然發生嘅事。

───

旅遊業係啲好撚低增值、好low-end嘅行業。尤其而家咁多唔過夜遊客,嚟香港買啲嘢就返去。佢哋好多住深圳,探一程車去莎莎、又一城嘅Apple Store買嘢,香港只係賺個好低嘅margin。好多同旅遊業相關嘅公司根本受惠唔到(航空、酒店,屌你連渡海小輪都未必搭一程)。

香港缺乏土地供應(呢個萬能key已經同1997-2003嘅董建華齊名了),根本唔可能拎嚟做啲咁低增值嘅嘢。過去幾年,香港旅遊業嗰種泥頭車噴漿式擴張,搞到香港民不聊生,你去旺區淨係可以食藥食化粧品食面膜食金同食手錶,去七仔買包煙要行九條街,搭地鐵又搭唔到,對香港人嘅日常生活構成額外成本同不便;邊境走私行為大行其道,大陸佬嗰啲唔排隊、隨地屙屎屙尿,呢啲破壞香港文明法治社會嘅行為,計計埋埋呢啲界外效應,我好懷疑香港再發展旅遊業,係咪真係帶嚟經濟效益。

萬一你唔知,我提醒你,舊年有六千萬遊客嚟香港,60000000(一個六,七個零),香港得七百萬人,而成個西班牙接待遊客數嘅都只係六千五百萬……而西班牙嘅面積係香港嘅五百倍。順帶一提,面積唔知係香港幾多倍嘅大陸,舊年只係得五千五百萬遊客。

呢種咁嘅粗擴式發展,既唔適合香港,亦唔可能持續。調整,係必然,越早出現越好。我淨係希望啲大陸佬唔好再嚟,等香港人嘅生活、仲有我最中意嘅旺角尖沙咀老銅可以恢復返正常。

最後,講多句:

沒錯咧,大陸同胞,香港人討厭你們,千萬不要來了。

(係呀,大陸佬,香港人唔撚歡迎你呀,過主啦你老母。)

───

數字來源:

澳門旅客入境數目

2015 年 7 月訪港旅客統計

UNWTO Tourism Highlights

原刊於作者 facebook page

 

發表意見