立場新聞 Stand News

【綁架案】羅君兒:身體精神均未受任何傷害

2015/4/30 — 19:19

綁架案女事主(無綫新聞片段截圖)

綁架案女事主(無綫新聞片段截圖)

Bossini(堡獅龍)創辦人羅定邦的孫女羅君兒召開記者會,承認自己就是西貢綁架案女事主,望向公眾及親友報平安,強調自己身體及精神均未受到任何傷害。她指因綁架案仍在調查當中,不能透露太多,望傳媒給予空間,又稱自己在案中受驚,望盡快過回正常生活。

羅君兒在晚上七時許身穿黑衣現身記者會。她在發言之前,先讓在場記者拍照,期間大部份時間表情嚴肅,但亦有一刻面露微笑。

羅君兒之後開始發言,全長只有約一分鐘。她發言後即離開,未有回應記者提問。羅君兒發言全文如下:

廣告

大家好。我呢幾日都有睇新聞,而我都知道大家因為我呢件事,好關心我。所以我想藉著今次記者會,同大家報個平安。而我都好想同身邊嘅朋友、親人,同家人講,我平安無事。

而我都好想藉著今次記者會同大家講,我嘅精神同我嘅身體,都無因為今次綁架而受到任何打擊,同任何傷害。我要好多謝我嘅爸爸、媽媽,因為呢幾日佢哋嘅奔波同勞累,辛苦哂。

而我亦希望大家傳媒朋友明白,因為今次綁架案警方仲係調查當中,所以好多嘅詳細,我唔可以同大家講,我希望大家明白。而我都想講,我希望大家傳媒朋友,可以畀返少少空間我。因為我今次綁架案,我都受咗好大嘅受驚。我都好想可以過返我正常嘅生活,過返我平常嘅生活。我希望大家可以明白、理解。

多謝。

上周六在清水灣大宅,被6名賊人入屋綁架。綁匪事後致電其父勒索數千萬贖金,其父及後報警並還價至2,800萬元,周二晚交付贖金。有報道指,她一度被收藏在飛鵝山的山洞內,直至綁匪收到贖金後,始被釋放。警方其後確定肉參獲釋後,即展開全港大搜捕,於各區設置數十個路障搜捕,但至今未有發現。

廣告

Bossini創辦人羅定邦孫女羅君兒綁架案,昨在深圳市中級人民法院刑事審判區審理。(圖為羅君兒,無綫新聞片段截圖)

Bossini創辦人羅定邦孫女羅君兒綁架案,昨在深圳市中級人民法院刑事審判區審理。(圖為羅君兒,無綫新聞片段截圖)

發表意見