立場新聞 Stand News

網民二創劉德華撐填海宣傳片:問題根源唔係冇地,係冇一個民選政府

2018/10/4 — 13:19

團結香港基金日前推出支持填海興建人工島的宣傳片,請來藝人劉德華做旁白,不少網民對劉德華表示失望。「平等分享行動」發起人Benson Tsang昨晚在facebook 發布片段的二次創作版本,重新配音後的宣傳片反駁:「就算而家填海造地,但係只要政策都係傾斜向大財團,都唔會住得起」,「問題根源唔係有冇地呀,係有冇一個民選政府惠及民生。」

由土地供應專責小組負責的「土地大辯論」於上月底結束,前特首董建華牽頭的團結香港基金會一直主張大規模填海造地。基金會前日(2日)發布最新一段宣傳短片,邀得有「民間特首」之稱的劉德華旁白,劉德華在片中罕有就土地問題表態,表示支持基金會提出的東大嶼的大規模填海方案,並在片段中表示「想香港繼續向前行,取捨在所難免。」

廣告

不過Benson Tsang昨晚就在Facebook 發布一段二創短片,有人為片段重新配音,並在片段開首模仿原本宣傳片指「以前香港唔係而家咁㗎,八,九十年代嘅香港好有衝勁,地方細細,志氣遠大」,但隨即反問:「係喎,香港幾時變成咁削㗎?97年前唔係咁㗎,咁源頭係咩呢?」

指明星北上發展 反問「邊班人放棄咗香港先」?

廣告

配音員又反問,「我記得以前,每年香港都有香好多港產片,而家個個明星都北想上搵食,係邊班人放棄咗香港先呢?」

配音員批評,香港工時長,生活不快樂,但市民辛苦賺來的錢,最終全被政府用來進行大白象工程,「成日都話發展,發展淨係得經濟咩? 有錢就開心喇咩?」

配音員認為,現時就算填海造地,只要政策繼續傾向大財團,一般市民都難以負擔高昂的房價,「問題根源唔係有冇地呀,係有冇一個民選政府惠及民生」,「我知道一講到民主,就肯定有好多唔同意見,但係冇得揀真係好咩?冇人話過普選就會有一個百分百完美嘅政府,但係最少香港人有得揀吖。」

沈旭暉、項明生等KOL轉發基金會宣傳片

團結香港基金早前提倡「強化東大嶼都會」計劃,建議在香港島和大嶼山之間的中部水域,建造面積相當於半個九龍的2,200公頃人工島,較政府提出的中部水域填海計劃,規模大一倍。

國際關係學者沈旭暉旅遊專欄作家項明生等人亦有在其Facebook專頁轉發基金會的宣傳片。多年來從事環保工作的極地探險家李樂詩上月在《明報》撰文,表態支持團結香港基金會的東大嶼人工島填海方案。

 

發表意見