立場新聞 Stand News

網民狗衝爭《賭城3》免費票 王晶得戚回應罷睇:舊年夠話唔睇啦,結果我咪又係第一!

2016/2/1 — 16:36

近年經常發表愛國言論的香港喜鬧劇導演王晶,因連番發表仇視年輕人和網民的言論,令不少網民呼籲罷看其最新賀歲作品《賭城風雲III》。可是,近日有關院線在Facebook舉辦換取免費戲票的宣傳活動,卻有大批港人爭相留言搶票,令不少網民大嘆「港豬」無骨氣,就連王晶本人在接受訪問時亦稱,香港票房其實只是內地的廿五分之一,反問「咁你話我會唔會擔心?」更揶揄「舊年夠話唔睇啦,結果我(票房)咪又係第一!」

王晶前晚出席《賭城風雲III》首映、接受《蘋果日報》訪問時,譏諷呼籲杯葛該片的香港網民:

「總會有啲咁嘅人嘅香港,而家嚴重撕裂個社會,下嘛,冇所謂嘅,鍾意見嘅咪睇囉,唔鍾意睇嘅咪唔好睇囉。我覺得,冇得免強架呢啲嘢..... 香港票房其實是內地的廿五分之一,咁你話我會唔會擔心?舊年夠話唔睇啦,結果我(票房)咪又係第一!」

廣告

網絡紅人瓊姐今日在Facebook專頁分享相關新聞時,忍不住反諷香港人,「咁大個人,睇套戲都要人提議/呼籲你去杯葛」:

「本身都唔睇賭場風雲系列,點杯葛?你要杯葛/罷睇佢套戲即係代表你睇開。喂,咁即係你地本身品味同智商有問題啦,你地咁大個人,睇套戲都要人提議/呼籲你去杯葛?品味自己唔識培養架咩?平時啲娛樂消費,自己唔識比少少要求出黎?所以呼籲杯葛罷睇果班,而家咪比王晶笑番轉頭囉。」

廣告

放映該片的院線周六起在Facebook專頁發起宣傳活動,網民只要在相關宣傳片下面留言,答中問題,便有機會得到電影的換票證2張,不少港人留言參與遊戲。不少網民衝入留言狠批:「比D骨氣喇香港人!羨慕台灣人反黃安,但見到王晶免費飛就狗衝!」以及「為咗張免費飛你地呢班人(型豬)幾冇尊嚴。」有人表示,自己也喜歡片中演員如周潤發、劉德華等,但堅拒讓王晶賺錢,因而拒絕入場看該片;另外有人呼籲看本土電影《十年》。

發表意見