立場新聞 Stand News

老師,點解一定要一齊?

2017/7/3 — 6:18

資料圖片 l Alvin Trusty @ flickr — Attribution-NonCommercial 2.0 Generic (CC BY-NC 2.0)

資料圖片 l Alvin Trusty @ flickr — Attribution-NonCommercial 2.0 Generic (CC BY-NC 2.0)

【文:阿臣 @全民教育局 HKEd4All】

可能阿臣唔係一個好老師,好鐘意響放學嘅時候因爲佢哋嘈,就要佢哋靜曬先準走。所以經常都聽到呢條問題。

阿臣覺得要處理嘅,係人對一個群體嘅歸屬感。一個成日都為自己帶嚟麻煩嘅群體,當然會好難帶起大家嘅歸屬感。但愛一群體、一個國家,其實就正正係要響個群體好壞也好,都要學習去愛、去接納。外國比較多機會去學愛群體,以英國嘅足球會、美國嘅職業籃球聯賽、職業棒球聯賽等等,勝負本是兵家常事,學識一齊去接受失敗、享受一齊嘅成功就變得好重要。我呢班學生,就正正犯曬勝利球迷嘅問題,輸就互相指責,一輸就只會輸得更慘。可惜,今天嘅社會,其實隱約都係教大家做勝利球迷。

廣告

個人意識強無分好壞,但因個人喜好而忽略整體,就係好多人嘅問題。同其他人合作變得困難,脾氣行先、喜好先行而忽略整體需要,係對學生長大成人後嘅大問題。無緣無故高舉整體固然不理想,但只求自己脫身、認為個人能力強就可以百毒不侵,呢啲觀念依家唔搞,第日係唔駛搞。

歸根結底,其實就係一個與他人相處嘅問題。呢一代鮮有兄弟姊妹,大多數小孩都萬千寵愛在一身,父母、祖父母、外祖父母,再加工人,隨時係七個人追住一個細路,咁大家可以想像到件事會變成點。細路嘅喜好得到放大,咁即係話個解決方案,就係要將個細路嘅喜好放返響一個適當嘅位置。當然,更重要嘅,係父母、親人自己面對相同處境,響個細路面前又係點做呢?身教比言教重要,可是老生常談,但總是歷久常新。

廣告

 

文章重點:

— 整體意識 vs 個人喜好

— 與人相處

發表意見