立場新聞 Stand News

老是用這個方向去教訓年輕人 有咩建設性呢?

2017/6/29 — 12:02

資料圖片

資料圖片

以前嘅世界,一百人裡面,最努力嗰三十個,能夠上位,得到理想嘅生活。今日嘅世界,只有最努力嘅三個人,先至能夠上位。當情況如此,排在第四到第三十位的人,有怨言是理所當然的。你在這個時候,跟這二十七個人說:「到你努力到好似最搏嗰三個人咁嘅水平時,先好同我講你上唔到位買唔到樓啦…」老實講,完全係無補於事。就算佢地真係做到嗰個水平又如何?上位名額係得咁多,無論點,都一定有二十七個有怨言嘅人。講啲咁嘅說話,其實又有咩建設性呢?

我呢世人冇咩成就,冇資格去「勉勵」年青人應該點樣做人。不過,上咗年紀又上咗位嘅人,如果真係希望年輕人思想來得正面一點的話,硬係死話佢地唔夠努力唔夠捱得,唔work嘅。你有能力,能夠為社會做一點事,讓佢地覺得希望多一點的話,大家自然會肯去努力一啲。好難,對嗎?冇錯的確係好難的,但冇人會願意在零希望嘅情況之下搏咗條老命的。

老是用這個方向去教訓年輕人,唉,只會破壞更多。

廣告


(標題為編輯所擬;原刊於作者 facebook

廣告

發表意見