立場新聞 Stand News

老翻博物館

2016/12/25 — 15:39

政府強行抄個大陸既故宮博物館來香港。

已是事實。

從來只有大陸抄香港既野,幾時香港變成要抄大陸野?

廣告

「部份展廳長期展出北京故宮文化歷史及與宮廷有關的文物,其他展廳則陳列故宮的書畫等藝術收藏品。很多展品從未在北京故宮展出。」即係大陸覺得無用既野就俾香港,要俾咩你展由大陸話事,俾咩你都要要,俾一個次等老翻既博物館你地啲香港人。

我不知道政府要在西九決定起任何野是否不需守任何程序,應該唔會掛,但係如果真係咁兒嬉,一兩個人話點就點,決定全香港人應該擁有什麼,不需諮詢,咁要個委員會做咩?

廣告

我剛在一間4As 做左三個月合約,就是做推廣香港既大型Project,對,Worldwide好大型嗰個,其實差不多,都係由一兩個政府最高層話事,一直我都不明白為什麼可以這樣,不懂設計的人教我們這些「專業」做設計的人如何設計,現在我明白,因為政府最大既人都係咁做野。

退後幾十步,一兩個人話事都無問題,只要話得好的話,只要真心為香港的話。

你而家將西九起個大陸最愛換啲形象分俾你自己,要全香港人幫你去擦大陸鞋底?

你真心覺得呢檀老翻博物館是文化?會幫到香港旅遊業?

我係旅客又咁喜愛大陸博物館既話,我去北京睇個真既好過啦,山長水遠睇你個老翻做咩?

政府不提及整個博物館的建築費用(可以既咩?),而香港賽馬會慈善信託基金(慈善?唔係俾窮人既咩?)捐贈35億元,以資助該館的設計、建造及籌備展覽等費用。

大商家會無情情俾幾十億「慈善」基金俾你?

真係咁愛香港?

咁即係係咪想起酒店就起,想起大型商場就起,想起第二個馬場就起?

我很喜歡現在的西九,是一個十分好的場地,本是一片爛地,配合那絕佳的海岸線,而文化由本地人創造出來,形成富有香港特色的活動,這,才是真正的香港「文化」。

大陸的文化從來不等於香港的文化,看看二、三十年前靳叔與Alan Chan的設計,是將中國文化改變融入成特別的香港設計特色,三十年後你照抄大陸來港,將香港文化倒退三十年。

如果我去日本,見到有個一意孤行又話到事既日本仔唔知點解想討好美國佬,起一個日本版自由神像於日本文化區,我會忍得住笑嗎?

發表意見