立場新聞 Stand News

華航機師罷工終於達共識!滾動!

2019/2/15 — 12:51

作者製圖

作者製圖

華航機師工會噚日同腦細達成協議,呢個星期以嚟,見住佢哋團結罷工,真係令人滾動。

機師工會為咗改善疲勞航班同埋自身權益而發起罷工,呢場罷工本身就係一場重要嘅公眾教育。

機師令我哋明白喺飛機上面,員工嘅待遇同乘客嘅安全息息相關。而機師工會都話俾大家知員工只要團結,不可一世嘅腦細最終都會坐低同你傾。

廣告

台灣除咗基本嘅議會民主之外,其實佢哋嘅集體談判權機制,都好值得同香港比照。喺台灣,若果公司有二分之一僱員參加職業工會,工會就可以提出集體談判(在台灣稱為團體交涉權)。

以今次罷工為例,華航有超過一半機師加入咗機師工會,工會就可以依照法律,要逼公司坐低談判。當然,華航一開始唔肯協商,先逼到班機師要投票決定罷工。

廣告

反觀香港制度,1996 立法局曾經一度通過由李卓人提出嘅集體談判權法案,但喺主權移交之際,被臨立會粗暴廢除。此後香港嘅勞資爭議,腦細睬你都傻,若果唔係工人組織罷工,根本唔會同工會談判。

一個健全嘅民主社會制度,除咗民選議會同政府,仲應該有屬於打工仔女嘅集體談判權利,平衡勞資不對等嘅權力關係。

 

#華航機師罷工

作者 Facebook

發表意見