立場新聞 Stand News

薑蓉與雞

2015/5/14 — 10:45

【文:Joey】

保普選反暴力大聯盟發言人周融表示,三間大學聯合進行的政改民調,只訪問約 1000 人,但全港有 700 萬人,質疑結果能否代表全港市民 。

2015年5月12日

零分,重讀 ststistics 101。呀,唔記得佢中七畢業添,咁就 DSE M1 啦∼

廣告

Sampling。

問吓高永文:你驗得嗰幾隻雞,點知全港雞冇禽流感呢?睇怕要捉晒全部所有雞逐隻驗啦∼

廣告

不過呢,抽嗰幾滴血又點知冇病喎∼ 都係劏晒 D 雞,全部放血驗先得!

其實周融有冇腦殘呢:cat scan 唔準,開腦check check 好d.

不過咁,大家又唔做得「學歷歧視」人喎,唔好恰佢讀得書少唔識 sampling 啦∼ 其實周融 target 就係:呃亞婆,派蠔油,老點!

但係亞婆街市買菜,都識「摷底」揀棵靚菜,random sampling 呀!

買雞唔吹吓 pat pat 都自己落手㩒吓肉厚唔厚啦 ∼ 自己揀雞自己食,點會比街市佬魚農界別「豬、雞、魚、菜、花」幫自己揀架?當亞婆儍的嗎!

我 Married But Available 好得閒街市買餸,唔好呃我 C9!

民調隨機抽樣 ,係抽雞抽血驗禽流感,有代表意義:一千「隨機抽樣」random sampling 準確度 +/- 3%,咪成日叫公投,好貴的:唔使鑊鑊劏晒全部雞放血驗嘅。

但係提名委員會千二人「四大界別」,「漁農界 60 席」冇代表性,因為中共操控篩選:雞佬幫你執死雞!要不得。

香港人要真普選,公民提名,必不可少:自己買雞自己揀也 ∼

又,周融嗰「街頭簽百萬」,唔該,揾 audit check check 核數,有否重覆,突擊查吓有冇18 歲以簽名、義工誤導、派蠔油 BBQ 請食飯乜乜乜好喎。Starry Lee 專業會計師,李慧琼行政會議立法會區議會三料議員,民建聯主席話嘅:「相信嘅就會見到證據,唔相信嘅就會話生安白造」,see?

薑蓉老點,政治做雞,perfect match.

 

作者簡介:作為一個香港人,時刻發揮厚多士精神,生活上眼見怪事、錯事、愈來愈過份,一於插到佢暈!Never be afraid to say what you feel - You can only die once.

 

發表意見