立場新聞 Stand News

要守,就要守到底

2018/8/23 — 19:39

空勤人員總工會前主席吳敏兒在庭後見記者

空勤人員總工會前主席吳敏兒在庭後見記者

梁振英行使特權,機管局可以扮睇唔到,政府可以當無件事,但係香港人唔會。2016 年 3 月,行李門事件發生之時,空總亦啱啱成立。當時我哋知道依個問題會影響航空安全,唔止係空中服務員嘅安全,都係香港人嘅安全。於是我哋膽粗粗,號召集會,2,000 多人來到機場,聲討機管局無視航空安全。行李門事件帶出來嘅航空安全問題,成為我哋第一個要面對嘅挑戰,呢一次集會成為咗工會爭取公義嘅強心針。

即使面對香港人集會,機管局仍然冥頑不靈,為了一個特首家庭,死口不認當日做錯。逼於無奈,我哋提呈司法覆核,控告機管局違法。幾位空中服務員頂住壓力,堅持司法抗爭,今日終於有個好結果。

可能啲權貴以為今日係一個空姐走去司法覆核梁振英,但真相係每個香港人都同你梁振英說不。

廣告

多謝專業嘅律師團隊,你哋令我哋知道,為咗公義,應該去到幾盡。多謝香港人,無集會給予嘅信心,空總不會走得咁遠。多謝工會,令我們可以守住專業,守到今天。

只要我哋每個人知道自己嘅位置,守住自己嘅崗位,就係守住香港。

廣告

作者 Facebook 圖片

作者 Facebook 圖片

 

#香港人好嘢

原刊於作者 Facebook

發表意見