立場新聞 Stand News

【誤殺長期病患妻】黃伯:老人服務基層用唔起,香港要有安樂死

2019/1/25 — 15:51

圖片素材來源:rthk片段截圖、蘋果動新聞片段截圖

圖片素材來源:rthk片段截圖、蘋果動新聞片段截圖

筲箕灣耀東邨於 2017 年發生命案,81 歲老翁黃國萬(下稱黃伯)因長期獨力照顧病妻,擔心自己身體日差,妻子會乏人照顧,用竹枝將她勒斃後自首。黃伯早前在高等法院承認一項誤殺罪,主審法官張慧玲判刑時形容本案是悲劇,決定法外開恩,判被告監禁兩年。由於黃伯已被還押 18 個月,預期扣除假期後,被告可於短期內釋放。工黨立法會議員張超雄今早(25 日)探望黃伯,黃伯表示感謝法官法外開恩,感激家人、市民、記者的關心,並了解自己的情況會引起社會討論照顧者的問題,希望向公眾傳達以下訊息,全文轉載如下。

多謝大家嘅關心同埋問候,我都一一收到。字我唔識得多,希望張議員幫我傳話。我嘅故事已經喺法庭公開,希望呢件事告一段落,我亦都透過張議員收到唔少記者邀約訪問,不過我最想係平靜地過日子,做返一個普通人,出返嚟之後暫時唔想見人,亦唔想再提呢件事,希望記者明白,亦都唔希望記者喺我屋外附近等候,否則我都不知道出返嚟之後可以去邊度暫住。

有關照顧者嘅問題,我覺得香港要有安樂死,咁樣社會就唔使嘥咁多資源,窮人唔使咁慘,我哋唔會有錢請工人,唔會有錢去請三更看護。我曾經帶太太到老人院,見過有老人家淨係識抖氣,但唔識郁,連說話都講唔到。一個人最困難就係生不如死,我明白螻蟻尚且偷生,但病起上嚟係冇選擇。香港嘅老人服務唔係冇得做,但要係中上階層、有錢人先會用得起,我哋呢啲低下草根階層做唔到。

我知道社會唔係咁接受安樂死,講出嚟實俾人鬧,張議員幫我講出嚟,佢都會俾人鬧。但只有生活有經驗、受過折磨嘅人,先會明白點解我會提出要有安樂死。

最後,我認為社會要有多啲同路人,大家同心合力,社會同埋制度先會有改變,社會要多啲幫助窮人。

廣告
廣告

發表意見