立場新聞 Stand News

談補習社廣告

2015/4/24 — 17:59

資料圖片:活學教育廣告(左)、Amanda Tann(右)

資料圖片:活學教育廣告(左)、Amanda Tann(右)

補習社個廣告過咗火,我認同的。

不過這些補習社既product,係香港畸型教育制度既產物。如果你問我,與其要鬧補習社教壞人,倒不如鬧香港既教育制度根本就太扭曲吧。

早陣子聽囝囝幼稚園既老師講,話有啲家長投訴學校既課程設計得「太淺」,應該要教得深啲先岩,otherwise又話影影考小學既機會,又話學校教得「咁淺」個細路上小學時會追唔上…我心諗:「屌,唔x係呀?我覺得已經好深吓架啦喎。」

廣告

我成日都話,個個父母都識講,話應該俾個細路有個快樂童年。但係把口係咁講,轉個頭就嫌學校谷得啲細路唔夠盡,到底想點?鬧人永遠都係大大聲,但到頭嚟,自己其實又俾咗幾多「快樂童年」個細路?道德高地嘛,邊個唔鐘意企?

廣告

有關香港教育,總覺得成件事係好結構性的。社會上既價值觀、本地學校收生既功利主義,以至家長既眼界同視野,一環扣住一環,形成咗整個本地教育發展到好似畸胎一樣。你鬧家長、鬧學校,又或者鬧呢啲補習社,我覺得其實都係冇意思的。大家都係努力嘗試去適應呢一頭超級怪胎,大家都係想「生存」。
或者真正該鬧既,係我地每一個人,都冇嘗試去改變呢隻怪胎,繼續集體接受這些荒謬既制度同規則。

祝大家有個愉快既週末。

 

題為編輯所擬;原刊於作者 facebook

發表意見