假才子

假才子

比較政治碩士學歷,現為傳媒工作者。「假才子」是因為現在流行才子才女,但又沒人敢承認自己是假大空才子才女,故先行澄清。文章寫得不好還請見諒,畢竟我不是真才子。

2019/1/27 - 16:21

象徵式扣高官 3 萬元月薪

勞工及福利局局長羅致光(資料圖片,來源:政府新聞處)

勞工及福利局局長羅致光(資料圖片,來源:政府新聞處)

林鄭政府「大腦/腦細」勞福局局長羅致光繼續為提高長者綜援年齡解畫,指以後 60-64 歲綜援人士如果不參加「自力更生支援計劃」,不但無法取得「補鑊金」的 1,040 元,更會被倒扣 200 元,形容是「象徵式」懲罰。筆者同意有能力者都應該自力更生,但係有參加就有額外一千,冇參加就冇,咪已經夠囉。倒扣二百,仲要叫做「象徵式」,我就真係諗極諗唔明。

根據社署網頁,一般成年綜援(非長者/兒童/殘疾)每月金額,視乎家庭情況,為 2,000 元上下。例如單身人士就是 2,455 元,200 元就即是 8.14%。8.14% 都只係「象徵式」?換個計法,現時特首及一眾司局長的月薪為 416,500 元至 335,100 元不等,8.14% 就是 33,930 元至 27,300 元。不知羅致光會否同意,扣佢哋 3 萬蚊人工都係「象徵式」?

可能羅致光係以自己 33.5 萬月薪睇 200 元,咁就當然係「象徵式」啦,不過在一般市民,仲要係綜援受助人來睇唔係呢。我仲以為作為社福系教授同勞福局局長,理解市民特別係基層市民的需要係好重要添,原來唔係,一切都係冷血地機械式睇盤數就得,咁不如陳茂波去教社工/管福利啦。IQ 160 爆棚喎,睇到人眼火爆就差唔多。

廣告

 

作者網誌